Dr. Mariwan Ahmed Rasheed
Professor
College of Science and Technology
Computer Science
[email protected]
Monday, 01 March 2021
سه‌رۆكی زانكۆ پێشوازی له باڵوێزی عێراق له قه‌ته‌ر ده‌كات
ئه‌مرۆ ١٨\٢\٢٠٢١ به‌رێز پرۆفیسۆر دكتۆر مه‌ریوان ئه‌حمه‌د ره‌شید، سه‌رۆكی زانكۆی گه‌شه‌پێدانی مرۆیی به ئاماده‌بونی یاریده‌ده‌رانی سه‌رۆك و ژماره‌یه‌ك له ئه‌ندامانی ئه‌نجومه‌نی زانكۆ پێشوازی كرد له به‌رێز شێخ عومه‌ر به‌رزنجی، باڵوێزی عێراق له قه‌ته‌ر و له میانه‌ی دیدارێكی دۆستانه‌دا باس له گرنگی هاوكاری نێوان دیبلۆماتكارانی عێراقی و ناوه‌نده ئه‌كادیمییه‌كان كرا له پێشخستن و به‌رزكردنه‌وه‌ی ئاستی زانستی زانكۆكان و دروستكردنی لینكی په‌یوه‌ندی له‌گه‌ڵ زانكۆ جیهانییه‌كاندا.
له‌لایه‌ن خۆشیه‌وه به‌رێز سه‌رۆكی زانكۆ سوپاسی باڵوێزی عێراقی له قه‌ته‌ر كردو خه‌ڵاتی رێز لێنانی پێبه‌خشی وه‌ك ستایشێك بۆ ئه‌و خزمه‌ته به‌رچاوانه‌ی پێشكه‌شی كردووه.
دواتر به‌رێز شێخ عومه‌ر به‌رزنجی، له سیمینارێكدا بۆ خوێندكارانی به‌شی دیبلۆماسی و په‌یوه‌ندییه گشتییه‌كانی كۆلێجی یاسا، باسی له پرسی دیبلۆماسییه‌ت و په‌یوه‌ندییه گشتییه‌كان كرد له هه‌یكه‌لی وه‌زاره‌تی ده‌ره‌وی عێراق و چانسی خوێندكارانی ئه‌و به‌شه بۆ كاركردن له بواری دیبلۆماسی و نوێنه‌رایه‌تی كردنی وڵات له ناوه‌نده نێو ده‌وڵه‌تییه‌كاندا.
جه‌ختیشی له گرنگی هه‌ماهه‌نگی كه‌سانی پشپۆر و ناوه‌نده دیبلۆماسییه‌كان كرده‌وه بۆ زیاتر به‌ره‌و پێش بردنی ئه‌و بواره‌و هاوكات به‌ستنه‌وه‌ی زانكۆكان به ناوه‌نده ئه‌كادیمییه‌كانی ده‌ره‌وه‌ی عێراقه‌وه.
more...Thursday, 18 February 2021
سه‌رۆكی زانكۆ پیرۆزبایی سه‌ركه‌وتنه‌كانی زانكۆی گه‌شه‌پێدانی مرۆیی له مامۆستایانی زانكۆ ده‌كات
ئه‌مرۆ ٢٨\١\٢٠٢١ له میانه‌ی دیدارێكیدا له‌گه‌ڵ مامۆستایان، به‌رێز پرۆفیسۆر د.مه‌ریوان ئه‌حمه‌د ره‌شید سه‌رۆكی زانكۆی گه‌شه‌پێدانی مرۆیی، سوپاس و ده‌ستخۆشی خۆی و خاوه‌نی زانكۆ، به‌رێز پرۆفیسۆر د.عه‌لی قه‌ره‌داغی گه‌یانده مامـوستایانی زانكۆو ستایشی هه‌وڵ و ماندوبونه‌كانی كردن له به‌رزكردنه‌وه‌و به‌ره‌وپێشبردنی ناوی زانكۆ له سه‌ر ئاستی ناوخۆو جیهان.
سه‌رۆكی زانكۆ له میانه‌ی دیداره‌كه‌دا وتیشی: سوپاس بۆ خودا توانیمان به سه‌ركه‌وتوویی ساڵێكی سه‌خت تێپه‌رێنین، به‌جۆرێك وێرای بڵاوبونه‌وه‌ی ڤایرۆسی كۆرۆناو داخستنی زانكۆكان و گرتنه‌به‌ری رێكاره ته‌ندروستییه‌كان، به‌ڵام به هه‌وڵی دڵسۆزانه‌ی مامۆستایان نه‌مانهێشتووه پرۆسه‌ی خوێندن دوا بكه‌وێت و به سه‌ركه‌وتوویی سه‌رجه‌م قۆناغه سه‌خته‌كانمان به پشتیوانی خودا تێپه‌راندووه.
له كۆتایی دیداره‌كه‌شه‌دا سه‌رۆكی زانكۆ خه‌ڵاتی رێز لێنانی به‌خشییه هه‌ریه‌ك له به رێزان پرۆفیسۆر د.سامان فه‌وزی و پرۆفیسۆر د.زانا ره‌ئوف به بۆنه‌ی به‌رزكردنه‌وه‌ی نازناوی زانستی به‌رێزیان بۆ پرۆفیسۆر و هه‌روه‌ها ئه‌و خزمه‌ته به‌رچاوه‌ی كه له رووی زانستییه‌وه پێشكه‌ش به زانكۆیان كردووه.
Wednesday, 17 February 2021
به‌پێی پێوه‌ره‌كانی سایماگۆ، زانكۆی گه‌شه‌پێدانی مرۆیی یه‌كه‌می زانكۆ تایبه‌ته‌كانی عێراقه
به‌پێی نوێترین ریزبه‌ندی زانكۆ جیهانییه‌كان كه له‌لایه‌ن دامه‌زراوه‌ی ئه‌كادیمی سایماگۆوه ئه‌نجامدراوه زانكۆی گه‌شه‌پێدانی مرۆیی تاكه زانكۆی تایبه‌ته له‌سه‌رتاسه‌ری عێراقدا كه توانیویه‌تی بچێته ناو پێشبركێكه‌وه‌و پله‌ی یه‌كه‌می زانكۆ تایبه‌ته‌كانی عێراق و سێهه‌می سه‌رجه‌م زانكۆكانی هه‌رێمی كوردستان به‌ده‌ست بهێنێت له پاش زانكۆی سلێمانی و زانكۆی سه‌ڵاحه‌دینه‌وه.
هاوكات له‌سه‌ر ئاستی ته‌واوی زانكۆكانی عێراقیش زانكۆی گه‌شه‌پێدانی مرۆیی له پله‌ی ١٣ هه‌میندایه‌و له‌سه‌ر ئاستی جیهانیش له پله‌ی ٨١٤دایه له كۆی3897 زانكۆ له زانكۆ پله به‌رزه‌كانی جیهان.
به‌م بۆنه‌یه‌شه‌وه به‌رێز پرۆفیسۆر د.مه‌ریوان ئه‌حمه‌د ره‌شید، سه‌رۆكی زانكۆی گه‌شه‌پێدانی مرۆیی پیرۆزبایی ئاراسته‌ی خاوه‌نی زانكۆ، به‌رێز پرۆفیسۆر د.عه‌لی قه‌ره‌داغی ده‌كات بۆ به‌ده‌ستهێنانی ئه‌م پله زانستییه گرنگه كه له هه‌رێمی كوردستاندا ته‌نها ٣ زانكۆ توانیویانه بچنه ناو ئه‌م ریزبه‌ندییه‌وه، كه ئه‌مه‌ش بێگومان ره‌نگدانه‌وه‌ی خه‌مخۆری به‌رێزیانه بۆ پێشخستنی زانست له هه‌رێمی كوردستاندا.
هاوكات سه‌رۆكی زانكۆ ده‌ستخۆشی له سه‌رجه‌م مامۆستایان و فه‌رمانبه‌ران و خوێندكارانی زانكۆ كرد كه خه‌مخۆرانه له ئاست ئه‌و به‌رپرسیارییه‌ته‌دا بوون كه زانكۆ لێیان چاورێ ده‌كات.
سایماگۆ یه‌كێكه له دامه‌زراوه باڵاكانی بواری رانكین و ساڵانه له چه‌ندین بواردا ریزبه‌ندییه‌كانی خۆی بڵاو ده‌كاته‌وه‌و بۆ ئه‌مساڵیش ته‌نها ٣ زانكۆی هه‌رێمی كوردستان توانیویانه له‌و ریزبه‌ندییه‌دا كێبركێی زانكۆ عێراقییه‌كان بكه‌ن كه ئه‌وانیش زانكۆی گه‌شه‌پێدانی مرۆیی و زانكۆی سلێمانی و زانكۆی سه‌ڵاحه‌دیینن و جگه له‌و ٣ زانكۆیه هیچ زانكۆیه‌كی دیكه له هه‌رێمی كوردستاندا به حكومی و ئه‌هلیه‌وه له ریزبه‌ندییه‌كه‌دا بونیان نییه.
بۆ بینینی نوێترین ریزبه‌ندی جیهانی سایماگۆ بۆ زانكۆكان،كلیك لێره بكه.
پێوه‌ره‌كانی ئه‌م ریزبه‌ندییه به‌پێی سایتی سایماگۆ به‌مشێوه‌یه‌یه:
توێژینه‌وه‌ی زانستی ٥٠٪
داهێنان و نوێگه‌ری ٣٠٪
كارلێك له‌گه‌ڵ كۆمه‌ڵگه ٢٠٪