پیرۆزبایی سەرۆكایەتی زانكۆ بەبۆنەی یەكەم بوونی زانكۆی گەشەپێدانی مرۆیی
Search

پیرۆزبایی سەرۆكایەتی زانكۆ بەبۆنەی یەكەم بوونی زانكۆی گەشەپێدانی مرۆیی


2018-11-21 (چوارشەم) [ زانکۆی گەشەپێدانی مرۆیی ]

دوای ئەوەی وەزارەتی خوێندنی باڵاو توێژینەوەی زانستی ریزبەندی باشترین زانكۆكانی هەرێمی كوردستانی راگەیاند، لەناو زانكۆ تایبەتەكانی هەرێمی كوردستان زانكۆی گەشەپێدانی مرۆیی پلەی یەكەمی بەدەست هێنا.
لەم بارەیەوە بەڕێز پڕۆفیسۆر د. مەریوان احمد رەشید سەرۆكی زانكۆ لە پەیامێكدا پیرۆزبایی لەم سەركەوتنە گەورەیەی زانكۆكەمان كرد.
سەرۆكی زانكۆ لە پەیامەكەیدا سەرەتا پیرۆزبایی لە سەرۆكی ئەنجوومەنی ئەمینداریەتی زانكۆ بەڕێز پڕۆفیسۆر د. عەلی قەرەداغی كرد، كە بە پشتگیری و خەمخۆری بەردەوامی بەڕێزیان زانكۆ رۆژ بە رۆژ لە بەرەوپێشچوون و گەشەسەندندایە، هەروەها بەڕێزیان پیرۆزبایی لە مامۆستایان و خوێندكاران و سەرجەم ستافی زانكۆ كردو ئەوەی خستە ڕوو كە ئەم ئەنجامە گەورەیە بە هەوڵ و كۆششی هەمووان بەدی هاتووەو دەرەنجامیش هەمووان سوودمەند دەبن لێی.
هەر بەم بۆنەیەوە سەرۆكایەتی زانكۆی گەشەپێدانی مرۆیی بڕیاری داوە سبەی پێنج شەممە كاتژمێر 10:30 خولەك لە ئاهەنگێكی شایستەدا لە زانكۆی گەشەپێدانی مرۆیی پیرۆزبایی خۆی بە مامۆستایان و خوێندكاران بگەیەنێت و وردەكاری ئەم سەركەوتنە گەورەیەی زانكۆ بخاتەڕوو.

uhd.edu.iq : زانکۆی گەشەپێدانی مرۆیی