بۆردی حەمرین بۆ گەشەپێدان، سوپاسی سەرۆكایەتی زانكۆی گەشەپێدانی مرۆیی دەكەن
Search

بۆردی حەمرین بۆ گەشەپێدان، سوپاسی سەرۆكایەتی زانكۆی گەشەپێدانی مرۆیی دەكەن


2018-02-21 (چوارشەم) [ زانکۆی گەشەپێدانی مرۆیی ]

پێشنیوەڕۆی ئەمڕۆ 21/2/2018 بەڕێز پڕۆفیسۆر د. مەریوان أحمد رەشید سەرۆكی زانكۆ، بە ئامادەبوونی بەڕێزان (م. نەجات حەسەن / بەڕێوەبەری راگەیاندن و روناكبیری) و (م. زمناكۆ نوری / بەڕێوەبەری نووسینگەی سەرۆك) پێشوازیان كرد لە وەفدێكی رێكخراوی (بۆردی حەمرین بۆ گەشەپێدان)، كە پێك هاتبوو لە بەڕێز (رزگای برایم / سەرۆكی بۆرد) و چەند ئەندامێكی ئەنجوومەنی بۆرد. كە بە مەبەستی سوپاس كردنی سەرۆكایەتی زانكۆ بۆ هاوكاری كردنی دانیشتووانی خورماتو سەردانی سەرۆكایەتی زانكۆیان كردبوو.
لە دیدارەكەدا بەڕێز سەرۆكی زانكۆ وێڕای بەخێرهاتنی وەفدی میوان، ئەوەی خستە ڕوو كە زانكۆی گەشەپێدانی مرۆیی هاوكاری كردن و گەشەپێدان بە كۆمەڵگە بە ئەرك و كاری خۆی دەزانێت، چونكە هەر لە سەرەتای دروستبوونی زانكۆ بەڕێز پڕۆفیسۆر د. عەلی قەرەداغی كە ئەم ناوەی بۆ زانكۆ دیاری كردووە (زانكۆی گەشەپێدانی مرۆیی) مەبەستی بووە زانكۆ تەنها شوێنێك نەبێت بۆ خوێندن، بەڵكو بەردەوام لەگەڵ كاری خوێندن و زانستدا، زانكۆ بچێتە ناو كۆمەڵگەو كار بۆ گەشەپێدانی ئابوری و كۆمەڵایەتی بكات لە كۆمەڵگەی كوردستانی. بۆیە ئەم جۆرە هاوكاری و كارانەش بە ئەركی ئەكادیمی و نەتەوەیی خۆمان دەزانین.
دواتریش وەفدی میوان سوپاس و پێزانینی خۆیان بۆ سەرۆكایەتی زانكۆو مامۆستایان و خوێندكارانی زانكۆ دەربڕی بۆ ئەو هەڵمەتە فراوانەی لە زانكۆدا ئەنجامدرا بۆ خزمەت بە میوانەكانی خورماتوو دەوروبەری، لە كۆتایی دیدارەكەشدا بۆردی حەمرین سوپاسنامەكەیان بە شێوەیەكی فەرمی پێشكەش بە سەرۆكی زانكۆ كردو هیوای بەردەوامی پشتگیری و هاوكاریەكانیان لە زانكۆ خواست.

هەواڵی پەیوەندیدار:

زانکۆی گەشەپێدانی مرۆیی هاوکاریی پێشکەشی سەد خانەوادەی میوانی کەرکوک و دوزخورماتوو کرد

 

 

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی