بارودۆخی ئاوارەكان لە سیمپۆزیۆمێكی نێودەوڵەتی زانکۆی گەشەپێدانی مرۆییدا
Search

بارودۆخی ئاوارەكان لە سیمپۆزیۆمێكی نێودەوڵەتی زانکۆی گەشەپێدانی مرۆییدا


2018-01-04 (پێنجشەم) [ سەنتەری گەشەپێدان ]

بە ئامادەبوونی بەڕێز پڕۆفیسۆر د. مەریوان احمد رەشید سەرۆكی زانكۆو بەشێك لە ئەندامانی ئەنجوومەنی زانكۆ، سەرلەبەیانی ئەمڕۆ دووشەممە 18/12/2017 کۆلێجی کارگێڕی و ئابووری بەهەماهەنگی سەنتەری گەشەپێدان بۆ توێژینەوەو ڕاهێنان ، سیمپۆزیەمێکی نێودەوڵەتی بەناونیشانی (بەڕێوەبردنی کەمپەکانی ئاوارە و پەنابەران) ئەنجامدا.

لەو سیمپۆزیۆمەدا له هۆڵی پرۆفیسۆر د.علی قەرەداغی بە ئامادەبوونی ژمارەیەكی بەرچاو لە مامۆستایان و خوێندكاران ومیوانانی دەرەوەو دەزگاكانی راگەیاندن ڕێکخرا، لە دەستپێکدا بەڕێز ڕاگری کۆلێجی کارگێڕی و ئابووری لە وتەیەکیدا وێڕای بەخێرهاتنی ئامادەبووان ، ئاماژەی بە گرنگی سیمپۆزیۆمەکە کرد و سوپاسی پارێزگای سلێمانی و UNHCR ی کرد کە بە شداری تە وەرەکانی ئەم سیمپۆزیۆمە نێودەوڵەتییەیانکرد.

تەوەرەکانی سیمپۆزیەمە نێودەوڵەتییەکە لەسێ تەوەرەدا خرانە ڕوو، سەرەتا لەتەوەرەی یەکەمدا (م.ی فلاح حسن احمد)مامۆستای زانکۆی گەشەپێدانی مرۆیی بابەتە کەی خۆی بەناوی ( بەڕێوەبردن و ڕێکخستنی کەمپەکان لەکاتی کتوپڕدا ) پێش کەشکرد، تەوەرەی دووەم بەناونیشانی (ڕووبەڕوو بوونەوەی حاڵەتە کتوپڕو لەناکاوەکان لە کەمپەکاندا) لەلایەن (باباڕەسوڵ غفور عیسا) بەڕێوبەری هاوبەشی هەماهەنگی قەیرانەکان لەپارێزگای سلێمانی، پێشکەشکرا، تەوەری سێهەم و کۆتایی کە لەلایەن بەڕێز (کامەران علی)لێپرسراوی بەشی مەیدانی کەمپەکان ڕێکخراویUNHCR پێشکەشکرا بەناونیشانی(ڕۆڵی ڕێکخراوە نێودەوڵەتییەکان لەڕووی ئاسانکاری و هاوکارییەوە).

لە كۆتایی سیمپۆزیۆمەكەشدا ئامادەبووان بە پرسیارو تێبینی و وتەكانیان بەشداریان كرد و زیاتر بابەتەكەیان دەوڵەمەند كرد.

 uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی