مامۆستایەكی زانكۆ توێژینەوەكەی بە یەكیك لە باشترین پێنج توێژینەوە هەڵدەبژێرێت لەلایەن كۆمكاری عەرەبیەوە
Search

مامۆستایەكی زانكۆ توێژینەوەكەی بە یەكیك لە باشترین پێنج توێژینەوە هەڵدەبژێرێت لەلایەن كۆمكاری عەرەبیەوە


2013-03-05 (سێشەم) [ کۆلێجی ئابوری ]

uhd.edu.iq : زانکۆی گەشەپێدانی مرۆییلە میانەی بەشداریكردن بە توێژینەوەیەك لە كۆنفرانسی زانستی پێنجەمی یەكیتی ئامارناسانی عەرەب كە لە بەرواری 9-10/2/2016 لە شاری قاهیرە ئەنجامدرا. بەڕێز مامۆستا محمد حسن محمود (مامۆستا لە كۆلێجی كارگێڕی و ئابووری زانكۆی گەشەپێدانی مرۆیی) توێژینەوەیەكی پێشكەش كرد بە ناونیشانی (پێوەری خۆشگوزەرانی لە كۆمەڵگە عەرەبیەكاندا).

لە توێژینەوەكەدا ئاماژە كرابوو بۆ هەوڵەكانی گەشەپێدان وپێشكەشكردنی باشترین خزمەتگوزاری بۆ هاوڵاتیان لەلایەن دەسەڵاتەكانەوە، كە سەرەتاكەی گەشەپێدانی ئابووری بوو، پاشان بۆ گەشەپێدانی كۆمەڵایەتی. دواتر هزری گەشەپێدانی مرۆیی لەدایك بوو. ئێستا تیشكەكان بۆ خۆشگوزەرانیە و گەیاندنی هاونیشتمانیانە بە ترۆپكی باشترین خزمەتگوزاری.

توێژینەوەكە مۆدێلێكی نوێی بە پێوانی خۆشگوزەرانی پێشنیار كردبوو كە جیاوازە لە پێوەرە ستانداردەكان و لەجۆری نیشاندەر و پێوانەكاریدا، وزیاتر رەنگدانەوەی ئاستی خۆش ژیان و متمانە و رەزامەندی هاونیشتمانیانە لەو كۆمەڵگە و ووڵاتەی تێدا دەژین.

ئەم توێژینەوەیە بە سێیەم باشترین توێژینەوە هەڵبژێردرا لە كۆی 5 توێژینەوەی هەڵبژێردراو لەنێوان 100 تێزی متمانەپێكراو و بەشداربوو لە كۆنفرانسەكەدا، وە ئەو ریزبەندیە لەلایەن كۆمكاری ووڵاتانی عەرەبیەوە ئەنجامدراوە و پشتیان پێدەبەسترێت لە ستراتیژی كاری دامەزراوەكانیدا.