سیمیناری (لێپرسینەوە و سزای بەکارهێنەران و بازرگانانی ماددە هۆشبەرەکان) پێشکەشکرا
Search

سیمیناری (لێپرسینەوە و سزای بەکارهێنەران و بازرگانانی ماددە هۆشبەرەکان) پێشکەشکرا


2016-03-13 (یەکشەم) [ کۆلێجی زمان ]

 پاشنیوەڕۆى چوارشەممە ٩/٣/٢٠١٦ سێمینارێک لە لایەن بەشى قەڵاچۆکردنى مادە هۆشبەرەکانى سەر بە بەڕێوبەرایەتى ئاسایشى سلێمانى بۆ خوێندکارانى بەشى ئینگلیزى ئێواران و بەشى عەرەبى  ئێوارانى کۆلێجى زمانى زانکۆى گەشەپێدانى مرۆیى سازکرا. سێمینارەکە، کە لەسەر پێشنیارى بەشى ئینگلیزى ئێواران رێکخرا، لە لایەن بەڕێز رائید (ئومێد قادر أحمد) پێشکەشکرا و ماوەی یەک  کاژێرى خایاند و تێیدا بەڕێزیان بە وردى و بە شێوەیەکى زانستیانە ویاسایانە، بە ئاماژەکردن بە نمونەى زیندوى نێو هەرێمى کوردستان، باسى لە زیانەکان و مەترسیەکانى بەکارهێنان و بازرگانیکردن  بە مادە هۆشبەرەکان کرد لە سەر تاک و لە سەر کۆمەڵگا لەسەرجەم رەهەندەکانەوە، بە تایبەتى لە رووى کۆمەڵایەتى و ئابورى و یاسایى و ئەمنیەوە. هاوکات جەختى لەسەر ئەو سزا توندانە کردەوە  کە لە هەرێمى کوردستان دەرهەق بە بازرگانانى مادە هۆشبەرەکان و بەکارهێنەرانیان گیراونەتەوە بەر و ئاماژەى بە چاوکراوەیى پیاوانى ئاسایش کرد بە هاوکارى هاوڵاتیان و لایەنە پەیوەندیدارەکان  بۆ قەڵاچۆکردنى ئەو مادەیە تا نەبێتە مەترسیەکى راستەقینە بۆ سەر ژیانى خەڵکى لە هەرێمى کوردستان، بە تایبەتى توێژى گەنجان.

 شایانى باسە، ژمارەیەکى زۆر لە مامۆستایان و خوێندکاران و فەرمانبەرانى کۆلێج ئامادەی سێمینارەکە بوون و پرسیارى پەیوەندیداریان ئاراستەى پێشکەشکار کرد و بەڕێزیشیان وەڵامى دروستى  دانەوە. لاى خۆیەوە، بەڕێز راگرى کۆلێجى زمان، وێڕاى دەستخۆشیکردنى لە بەڕێزیان بۆ ئەو بابەتە گرنگەى پێشکەشی کرد، هاوکات بە رێزەوە ئاماژەى کرد بە هەوڵە بەردەوامەکانى ئاسایش،  شانبەشانى هێزى پێشمەرگەى کوردستان و هێزەکانى ناوخۆ، کە بونەتە بەهێزترین قەڵغان بۆ راگرتنى سەقامگیرى ئاسایشى کوردستان. پاشان بڕوانامەى رێزلێنان بەخشرایە بەڕێز رائید (ئومێد قادر  أحمد).

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی