سه‌رۆكى زانكۆ پێشوازى له نووسه‌ر مامۆستا تۆفیق ئه‌حمه‌د عبدول ده‌كات
2021-03-04 (پێنجشەم) [ زانکۆی گەشەپێدانی مرۆیی ]
روژى چوارشه‌ممه ٣ى ئازار، به‌رێز سه‌رۆكى زانكۆ پرۆفیسۆر د.مه‌ریوان ئه‌حمه‌د ره‌شید پێشوازى له مامۆستاى نووسه‌ر، به‌رێز تۆفیق ئه‌حمه‌د عه‌بدول كرد.
له دیداریكدا كه به‌رێز پرۆفیسۆرى یاریده‌ده‌ر د.هیوا ئه‌بوبه‌كر عه‌لى، یاریده‌ده‌رى سه‌رۆكی زانكۆ ئاماده‌ی بوو، گفتوگۆ كرا له‌سه‌ر هاندانى قوتابیان و خوێندكاران بۆ خوێندنه‌وه‌ی زیاتر، به جۆریك بتوانن كتێب بكه‌نه هاورێی هه میشه‌ییان.
هه‌ر به‌م بونه‌یه‌وه به‌رێز مامۆستا تۆفیق ئه‌حمه‌د، ده‌یان كتێبی به‌نرخی له كتێبخانه‌كه‌ی خۆی پێشكه‌ش به كتێبخانه‌ی زانكۆ كرد.
له به رامبه‌ردا به‌رێز سه‌رۆكى زانكۆ سوپاس و پێزانینى خۆى دووپاتكرده‌وه بۆ خه‌مخۆری به‌رێزیان بۆ خزمه‌تی خوێندكاران و قوتابیانی زانكۆ.
