زانكۆی گەشەپێدانی مرۆیی بەشداری لە كۆنفڕانسی نێودەوڵەتی UNIFUR 2020 دەكات
Search

زانكۆی گەشەپێدانی مرۆیی بەشداری لە كۆنفڕانسی نێودەوڵەتی UNIFUR 2020 دەكات


2020-12-15 (سێشەم) [ زانکۆی گەشەپێدانی مرۆیی ]

 رۆژی سێ شەممە ٣٠ی تشرینی دووەمی ٢٠٢٠ كۆنفڕانسی نێودەوڵەتی (Unesa International Forum of University Rector (UNIFUR بەڕێوەچوو بە بەشداری دەیان زانكۆ و دامەزراوەی جیهانی. كۆنفڕانسەكە لە لایەن زانكۆی (Universitas Negeri Surabaya (unesaی ئەندەنوسی رێكخرابوو و زانكۆی گەشەپێدانی مرۆیی بە فەرمی بانگهێشت كرابوو. كۆنفڕانسەكە كە بەشێوەی ئاوێتە (لە كامپەسی زانكۆی unesa و بە ئۆنڵاین) بەڕێوەچوو، تایبەت بوو بە پەیوەندی و هاریكاری ئەكادیمی و دامەزراوەیی نێوان زانكۆ و دامەزراوە بەشداربووەكان، بە تایبەتی هێندەی پەیوەستە بە روبەڕوبوونەوەی پەتای ڤایرۆسی كۆرۆنای نوێ (كۆڤید ١٩).

شایەنی باسە بەڕێز پڕۆفیسۆری یاریدەدەر دكتۆر رەئوف كەریم مەحموود، بە نوێنەرایەتی بەڕێز سەرۆكی زانكۆ، بەشداری كۆنفڕانسەكەی كرد و زانكۆی گەشەپێدانی مرۆیی بە بەشداربووان ناساند و ئاماژەی كرد بە رێكارە تەندروستی و خۆپارێزیەكانی زانكۆی گەشەپێدانی مرۆیی بۆ كەمكردنەوەی كاریگەری پەتاكە و رێگریكردن لە بڵاوبوونەوەی لە نێو زانكۆدا. رێكخەران و ئامادەبووانی كۆنفڕانسەكە بە بایەخەوە بۆچوونی (زانكۆی گەشەپێدانی مرۆیی)یان باسكرد كە تەنها زانكۆ بوو لە سەرتاسەری كوردستان و عێراق كە بە بەشداری راستەوخۆ ئامادەی كۆنفڕانسەكە بووبێت.

بفەرموون لەم لینكەوە بەشداری نوێنەری زانكۆی گەشەپێدانی مرۆیی لە كۆنفڕانسە نێودەوڵەتیەكە ببینن.