سه‌رۆكی به‌شی یاسا به‌شداری كۆبونه‌وه‌ی جێگری سه‌رۆكی حكومه‌ت بۆ تاوتوێكردنی ده‌ستگیركردنی رۆژنامه‌نوسان ده‌كات

سه‌رۆكی به‌شی یاسا له‌ زانكۆی گه‌شه‌پێدانی مرۆیی به‌شداری كۆبونه‌وه‌ی جێگری سه‌رۆكی حكومه‌ت بۆ تاوتوێكردنی ده‌ستگیركردنی رۆژنامه‌نوسان ده‌كات.
بۆ تاوتوێ كردن و چاره‌سه‌ركردنی بابه‌تی ده‌ستگیركردنی رۆژنامه‌نوسان له‌ هه‌رێمی كوردستاندا رۆژی ١٥\١٢\٢٠١٩ جێگری سه‌رۆكی حكومه‌تی هه‌رێمی كوردستان به‌رێز قوباد تاڵه‌بانی، له‌گه‌ڵ ژماره‌یه‌ك له‌ یاساناسان و رۆژنامه‌نوساندا كۆبویه‌وه‌.
له‌ دانیشتنه‌كه‌دا به‌ ئاماده‌بوونی به‌رێز د. سامان فه‌وزی، سه‌رۆكی به‌شی یاسا له‌ زانكۆی گه‌شه‌پێدانی مرۆیی و هه‌روه‌ها نوێنه‌رانی دادگای پێداچونه‌وه‌و داواكاری گشتی و ژماره‌یه‌ك له‌ رۆژنامه‌نوسان، جه‌خت له‌سه‌ر ئه‌وه‌ كرایه‌وه‌ كه‌ پێویسته‌ له‌ تاوانه‌كانی راده‌ربربن و رۆژنامه‌نوسیدا رۆژنامه‌نوسان ده‌ستگیر نه‌كرێن و كار به‌ ده‌ق و مه‌فهومی یاسای رۆژنامه‌نوسان بكرێت كه‌ تێیدا سزای به‌ند كردن گۆردراوه‌ به‌ پێبژاردن.