شەشەمین کۆنفرانسی زانستی کۆلێجی زانست و تەکنەلۆجیا کۆتایی هات
Search

شەشەمین کۆنفرانسی زانستی کۆلێجی زانست و تەکنەلۆجیا کۆتایی هات


2020-01-23 (پێنجشەم) [ کۆلێجی زانست و تەکنەلۆجیا ]

کۆلێجی زانست و تەکنەلۆجیای زانکۆی گەشەپێدانی مرۆیی لە بەرواری ٢٢-١-٢٠٢٠  کە بۆماوەی دوو ڕۆژ بەردەوام بوو شەشەمین کۆنفرانسی زانستی خۆی ڕیکخست .

بە چاودێری بەڕێز سەرۆکی زانکۆ پڕۆفیسۆر د. مەریوان احمد ڕەشید و بە سەرپەرشتی بەڕێزان پ.ی. د. ئاسۆ محمد دەروێش ڕاگری کۆلێج و پ. د. مزهر شعبان ، کاتژمێر ٢ی پاشنیوەڕۆی ڕۆژی چوار شەممە ٢٢-١-٢٠٢٠ بە ئامادەبوونی سەرجەم مامۆستایان و پڕۆگرامسازانی کۆلێجی زانست و تەکنەلۆجیا شەشەمین کۆنفرانسی زانستی کۆلێج بە ناونیشانی " Continuous Development Achieves a Sustainable Competitive Advantage  " دەستی بەکارەکانی کرد .

لەم کۆنفرانسەدا  بریار لەسەر ناوەرۆکی وانەكان و شێوازی ووتنەوە و پراکتیزەکردنی پڕۆگرامەکانی خوێندنی هەردوو بەشی زانستی کۆمپیوتەر و تەکنەلۆجیای زانیاری درا، بە جۆرێک هاوتا بکرێن لەگەڵ وانە و بابەتەکانی زانکۆ پێشکەوتووەکانی دونیادا لەلایەک و لەگەڵ داخوازی بازاڕدا بگونجێت لەلایەی ترەوە.

شایەنی باسە ناوەرۆکی وانەکان و پێشکەشکردنی بابەتەکان لەلایەن چەند لیژنەیەکی تایبەتەوە ئامادەکرابوو کە دابەشکرابوون بەسەر چەند بوارێکی زانستی تایبەتدا وەکو بوارەکانی ( Programming , AI , Networking , Data base , Security , Mathematics ) چەند بوارێکی تر.

لە کۆتایی کۆنفرانسەکەدا بەڕێز د. ئاسۆ محمد دەروێش ڕاگری کۆلێج زۆر سوپاسی مامۆستایانی کۆلێجی کرد کە ماوەیەکی زۆرە بە بێ هەستکردن بە ماندووبوون توانیان کارەکانیان تەواو بکەن و بە شێوەیەکی سەرکەوتوانە شەشەمین کۆنفرانسی زانستی کۆلێج ساز بکەن.

كۆلێجی زانست و تەکنەلۆجیا لە ماوەی ١٢ ساڵەی تەمەنیدا سەدان خوێندكاری پێگەیاندووە و شەش كۆنفرانسی زانستی جیاوازی ئەنجامداوە , ئەم كۆلێژە یەكێكە لە كۆلێژەكانی زانكۆی گەشەپێدانی مرۆیی كە ساڵی ٢٠٠٨ دامەزراوە و لە ئێستادا زانكۆی گەشەپێدانی مرۆیی لە (پێنج) كۆلێج و چەندین بەشی جیاواز پێکهاتووە .

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی