مەڕاسیمی ڕێزلێنانی مامۆستایانی سەرکەوتوو لە پڕۆسەی دڵنیایی جۆری و زانست خوازی بەردەوام
Search

مەڕاسیمی ڕێزلێنانی مامۆستایانی سەرکەوتوو لە پڕۆسەی دڵنیایی جۆری و زانست خوازی بەردەوام


2018-12-16 (یەکشەم) [ کۆلێجی زانست ]

زانکۆی گەشەپێدانی مرۆیی لە ژێر ناونیشانی " مامۆستایانی سەرکەوتوو لە پڕۆسەی دڵنیایی جۆری و زانست خوازی بەردەوام " ڕێکەوتی ١٢-١٢-٢٠١٨ مەراسیمێکی سازکرد بۆ بەخشینی خەڵات بەسەر مامۆستایانی سەرکەوتوو لە پڕۆسەی دڵنیایی جۆری و زانست خوازی بەردەوام بۆ ساڵی خوێندنی ٢٠١٧-٢٠١٨
وەک نەریتێکی ساڵانەی خۆی زانکۆی گەشەپێدانی مرۆیی هەڵدەسێت بە ئەنجامدانی ئەم مەراسیمە کە ڕاستەوخۆ پاڵپشتی دەکرێت لەلایەن بەڕێز سەرۆکی زانکۆ پڕۆفیسۆر د. مەریوان احمد رشید.
مەڕاسیمەکە پێک هاتبوو لە سێ بڕگە،بڕگەی یەکەم پێشکەش کردنی سیمینارێک لەلایەن بەڕێز د. صهیب بەڕێوەبەری دڵنیایی جۆریی زانکۆ دەربارەی داتاکانی ساڵی ڕابوردوی پڕۆسەکە و چۆنیەتی یەکەم بونی زانکۆ لە پۆلێنی نیشتمان زانکۆکاندا و ڕۆڵی تەوەری دڵنیایی جۆریی لەم یەکەم بونەدا، پاشان سەرۆکی زانکۆ ووتەیەکی پێشکەش کرد و لە دوابڕگەدا خەڵات بەخشرایە مامۆستایانی سەرکەوتوو.
لە سیمینارەکەدا تیشک خرایە سەر داتاو زانیاریەکانی مامۆستایانی میلاکی پار ساڵ کە تیایدا کۆلێجی زانست و تەکنەلۆجیا کاریگەریەکی زۆریان هەبوو لە پێش خستنی دڵنیایی جۆریی زانکۆ، ڕێژەی بەشداری مامۆستایانی کۆلێجی زانست و تەکنەلۆجیا لە دڵنیایی جۆری زانکۆ بە ڕێژەی لە ٪٢١ بوو ، سەرجەم مامۆستایان لە ( پڕۆسەی دڵنیایی جۆریی، زانست خوازی بەردەوام، هەگبەی مامۆستایان، فیدباکی خوێندکاران) دەرچوون و پلەیەکی باشیان بەدەست هێناوە.
هەر لە سیمینارەکەدا باس لەوە کرا کە هەڵبژاردنی مامۆستایان بە پێی چەند پێوەرێک بووە لەوانە:
● مامۆستا دەبێت میلاکی زانکۆ بێت.
● مامۆستا دەبێت زۆرترین خاڵی بەدەست هێنابێت لە پڕۆسەی دڵنیایی جۆری و زانست خوازی بەردەوام.
● مامۆستا دەبێت لە فیدباکی خوێندکاران دەرچوو بێت.
● مامۆستا دەبێت بەلایانی کەمەوە چالاکیەکی پێشکەشکردنی ئەنجام دابێت.
● مامۆستا دەبێت بەلایەنی کەمەوە توێژینەوەیەکی ئەنجام دابێت.

دواتر سەرۆکی زانکۆ باسی لەوە کرد کە مامۆستایانی زانکۆ بە بێ ئەم ڕێزلێنانەش خودی خۆیان چالاک بوون و بەردەوام بوون لە ئەنجامدانی کار و چالاکی زانستی بۆ زانکۆ.
پرۆفیسۆر د. مەریوان ئەحمەد ڕەشید ئاماژەی باوەش کرد کە ئەنجام دانی کارو چالاکی پێویستیەکی هەنووکەییە بۆ بوژاندنەوەی زانکۆ و زیندوویەتی زانکۆ نیشان دەدات.
لە کۆتایدا سەرۆکی زانکۆ ئاماژەی بەوەدا کە خزمەت و دڵسۆزی مامۆستایان بەهەند وەرگیراوە و ئەو مامۆستایانەی کە خەڵات نەکراون ئەوانە لە دڵی ئێمەدا خەڵات کراون و کاری زۆر گەورەیان ئەنجام داوە.
پاشان بەڕیز ڕاگری کۆڵێج پڕۆفیسۆری یاریدەدەر د. ئاسۆ محمد دەروێش پێرۆزبایی خۆی لە مامۆستایانی سەرکەوتوو کرد و هیوای ئەنجامدانی کاری باشتر و زۆرتری بۆ خواستن.
مامۆستایانی سەرکەوتووی کۆلێجی زانست و تەکنەلۆجیا کە خەڵات کران لەم مەراسیمەدا پێک هاتبوون لە :
د. مزهر شعبان العانی، مامۆستا بەیان عمر و مامۆستا مەزن ئیسماعیل

uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی