بە وێنە .. حەوتەمین كۆنفڕانسی زانستی زانكۆی گەشەپێدانی مرۆیی بەڕێوەچوو
Search

بە وێنە .. حەوتەمین كۆنفڕانسی زانستی زانكۆی گەشەپێدانی مرۆیی بەڕێوەچوو


2019-04-18 (پێنجشەم) [ کۆلێجی زمان ]

رۆژانی شەممە و یەکشەممە، 13 و 14ی نیسانی 2019, بە چاودێری بەڕێز پڕۆفیسۆری یاریدەدەر د. یوسف گۆران، وەزیری خوێندنی باڵا و توێژینەوەی زانستی و، سەرپەرشتی بەڕێز پڕۆفیسۆر د. عەلی قەرەداغی، سەرۆكی ئەنجومەنی ئەمیندارێتی زانكۆی گەشەپێدانی مرۆیی و ئامادەیبوونی پرۆفیسۆر دکتۆر مەریوان ئەحمەد ڕەشید و ئەندامانی ئەنجومەنی زانکۆ، مەراسیمی كردنەوە و چالاكیەكانی حەوتەمین كۆنفڕانسی زانستی زانكۆی گەشەپێدانی مرۆیی ده‌ستی پێكرد.

كۆنفڕانسه‌كه‌ به‌ به‌شداری 93 توێژه‌رو و ستافی ئەکادیمی زانكۆكانی هەرێمی كوردستان و عێراق به‌رێوه‌چوو و تایبه‌ت بوو به‌ بوارەكانی پەروەردەی زمان و زمانناسی و ئەدەب و وەرگێڕان.

بە ڤیدیۆ رووداوەکانی کۆنفرانس ببینە

کۆنفرانسەکە دوو ڕۆژی خایاند، لە ڕۆژی یەکەمدا کۆنفرانسەکە مەراسیمێکی کردنەوەی شایستەی بە خۆیەوە بینی.

سەرەتای کۆنفرانس بە خوێندنی چەند ئایەتێک لە قورئانی پیرۆز دەستیپکرد، دواتر ئامادەبووان ڕێزیان لە سرودی نیشتمانی ئەی رەقیب و مارشی زانکۆ گرت.

پاشتریش وتەی بەخێرهاتن لە لایەن پرۆفیسۆری یاریدەدەر د. رەئوف کەریم مەحمود سەرۆکی لیژنەی زانستی کۆنفرانس پێشکەش کرا، دواتریش وتاری وەزارەتی خوێندنی باڵا و توێژینەوەی زانستی حکومەتی هەرێمی کوردستان لە لایەن د. محەمەد حسێن نوێنەری وەزارەت خوێندرایەوە، هەروەک وتاری هەریەک لە بەڕێزان پرۆفیسۆر دکتۆر عەلی قەرەداغی سەرۆکی ئەنجومەنی ئەمیندارێتی زانکۆی گەشەپێدانی مرۆیی و پرۆفیسۆر دکتۆر مەریوان ئەحمەد ڕەشید سەرۆکی زانکۆ پێشکەش کران.

هەر لە مەراسیمەکەدا وتەی قسەکەری سەرەکی کۆنفرانس پرۆفیسۆر دەیڤد کریستاڵ لەسەر ئاڕاستە نوێیەکانی پەروەدەی زمان، زمەنەوانی، ئەدەب و وەرگێڕان پێشکەش کرا، لە وتەکەیدا کریستاڵ چەند بیرۆکەیەکی نوێی خۆی خستەڕوو کە یەکەمجارە باسیان لێوە دەکات.

دواتریش ڤیدیۆیەکی تایبەت بە کاروچالاکییەکانی زانکۆی گەشەپێدان و نمایشێکی ئەکادیمی ناوازەش لە لایەن خوێندکارانی بەشی ئینگلیزی کۆلێجی زمانی زانکۆی گەشپێدانی مرۆییەوە پێشکەشی ئامادەبوان کرا.

هەر لە یەکەم رۆژی کۆنفرانسدا و پاش پشووی نیوەڕۆ، لە سێ هۆڵی جیاوازی زانکۆدا ٤٥ توێژینەوەی جیاواز لە بوارەکانی پەروەدەی زمان و وەرگێڕان، ئەدەب ، زمانەوانی پێشکەش کران.

ڕۆژی یەکشەممە، کە بوویە رۆژی دووەمی کۆنفرانس، هاوکات بوو لەگەڵ ساڵوەگەڕی کارەساتی ئەنفالی خاکی کوردستان کە بوویە هۆی شەهیدبونی دەیان هەزار کەس و خاپووربوونی سەدان گوندی کوردستان، لە مەراسیمێکی شایستەدا رێز لە قوربانیان گیرا کە بە دەقیقەیەک وەستان بۆ ڕۆحی پاکی شەهیدانی ئەنفالکراو کۆنفرانسی زانکۆی گەشەپێدانی مرۆیی دەستپێکرد، کە تێکڕا بەشدارانی کۆنفرانس کە جگە لە توێژەرانی کوردستان، زیاتر لە ٦۰ توێژەری زانکۆکانی ناوەڕاست و باشووری عێراقی لەخۆگرتبوو هاوسۆزی خۆیان بۆ ئەو جینۆساید و ئیبادە بەکۆمەڵەی خەڵکی کوردستان دەربڕی و نزای خێریان بۆ شەهیدان کرد.

لە ڕۆژی دووەمی کۆنفرانسیشدا، هەرسێ هۆڵی پ. د. عەلی قەرەداغی و هونەر سورچی و هۆڵی سیمیناراتی ژمارە 128 ی زانکۆ جمەیان دەهات و 48 توێژینەوەیتر پێشکەش کران.

ئێوارەی هەمان ڕۆژ بڕوانامە پێشکەشی توێژەرانی بەڕێز کرا و بە گەشتێکی توێژەرانیش بۆ سەر شاخی ئەزمەڕ و دیمەنە ناوازەکانی بەهار و غروبی دڵنشینی سلێمانی کۆتایی بە کۆنفرانسی حەوتەمی زانکۆی گەشپێدانی مرۆیی هێنرا.

شیاوی باسە، کۆنفرانسی ئەمساڵی زانکۆ بوویە جێگای سەرنجی میدیاکانی کوردستان و لە لایەن زۆرینەی کەناڵە میدیاییەکانەوە رووماڵ کرا.

 uhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Development 

 uhd.edu.iq : University of Human Development

 

uhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Developmentuhd.edu.iq : University of Human Development