دەستپێكردنی كارەكانی شەشەمین كۆنفرانسی زانستی زانكۆ
Search

دەستپێكردنی كارەكانی شەشەمین كۆنفرانسی زانستی زانكۆ


2018-04-25 (چوارشەم) [ زانکۆی گەشەپێدانی مرۆیی ]

 سەرلەبەیانی ئەمڕۆ چوارشەممە 25/4/2018 بەچاودێری بەڕێز د. یوسف گۆران، وەزیری خوێندنی باڵاو توێژینەوەی زانستی و بە سەرپەرشتی پڕۆفیسۆر د. عەلی قەرەداغی، سەرۆكی ئەنجوومەنی ئەمینداریەتی زانكۆ، كارەكانی شەشەمین كۆنفرانسی زانستی زانكۆی گەشەپێدانی مرۆیی دەستی پێكرد.

لە رێورەسمی سەرەتای كردنەوەی كۆنفرانسەكە، كە بە ئامادەبوونی بەڕێز پڕۆفیسۆر د. مەریوان احمد رەشید سەرۆكی زانكۆو ئەندامانی ئەنجوومەنی زانكۆو سەرۆك و نوێنەری زانكۆكانی شاری سلێمانی و ژمارەیەكی زۆر لە توێژەران و مامۆستایانی زانكۆكانی هەرێمی كوردستان و عێراق بەڕێوەچوو، سەرەتا سەرجەم ئامادەبووان ساتێك بۆ گیانی شەهیدانی كوردستان بە پێوە وەستان لەگەڵ گوێگرتن لە سرودی نیشتیمانی ئەی رەقیب و مارشی زانكۆ.
دواتر بەڕێز سەرۆكی زانكۆی گەشەپێدانی مرۆیی وتەیەكی پێشكەشی ئامادەبووان كردو تیایدا جگە لە بەخێرهاتنی میوانانی كۆنفرانس، ئاماژەی كرد بە گرنگی كۆنفرانسی شەشەمی زانكۆ كە تایبەت كراوە بە بوارەكانی كارگێڕی و دارایی، ئەمەش بەهۆی گرنگی زۆری ئەم بوارانە لە گەشەی ئابووری و پێشكەوتنی وڵاتدا. هەروەها بەڕێزیان ئەوەی خستەڕوو كە زانكۆی گەشەپێدانی مرۆیی هەر لە سەرەتای دروستبوونی لەسەر دەستی پڕۆفیسۆر د. عەلی قەرەداغی و بەهۆی پاڵپشتی بەردەوامی بەڕێزیان، توانیویەتی ببێتە یەكێك لە زانكۆ گرنگ و كاریگەرەكانی كوردستان و لەم بوارەشدا لە دوا هەڵسەنگاندنی وەزارەتی خوێندنی باڵادا پلەی یەكەمی بەدەستهێنا لە نێو زانكۆكانی كوردستان، ئەمە جگە لە پیشكەوتنی زانكۆ لە پلەبەندی زانكۆ عێراقی و جیهانییەكاندا.

بۆ بینینی تەواوی وتەكانی بەڕێز سەرۆكی زانكۆ كلیك لێرە بكە

پاشان ئامادەبووان بینەری كورتە فلیمێكی دۆكیومێنتاری بوون لەسەر مێژووی زانكۆو دەستكەوتەكانی لە چەند ساڵی رابردوو.
دوا بڕگەی رێورەسمەكەش بریتی بوو لە وتەی بەڕێز سەرۆكی لیژنەی ئامادەكاری كۆنفرانس پڕۆفیسۆری یاریدەدەر د. محسن ابراهیم أحمد، كە تیایدا ئەوەی خستە روو كە زانكۆی گەشەپێدانی مرۆیی ساڵانەو بە بەردەوامی كۆنفرانسی زانستی هەبووە، بەڵام ئەمسال بەهۆی ئەو بارودۆخەی كە بەسەر هەرێمدا هاتووە نەتوانرا كۆنفرانسەكە نێودەولەتی بێت و توێژەران لە دەرەوەی عێراق بەشدار نەبوون. دواتر بەڕێزیان ئەوەی خستە ڕوو كە لیژنەی زانستی 170 ناونیشان و كورتەی توێژینەوەی بەدەست گەیشتووە، لەوانە تەنها 67 توێژینەوە قبوڵ كرا. سەرجەم توێژینەوەكانیش لە دوو رۆژی كۆنفرانسدا بە 12 دانیشتنی جیاواز دەخرێنە روو.

بۆ بینینی تەواوی وتەكانی بەڕێز د. محسن ابراهیم كلیك لێرە بكە

شایانی باسە بڕیارە دوای نیوەڕۆی ئەمڕۆ دانیشتنەكانی تایبەت بە خستنە ڕووی توێژینەوەكانی كۆنفرانسی شەشەم دەست پێ بكات

 

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی