کۆلێجی ياساو ڕامیاری / به‌شی دبلۆماسی لە چواچیوەی وانەی : Negotiation in Practice and Theories وانه‌یه‌ك ڕێکدەخات
Search

کۆلێجی ياساو ڕامیاری / به‌شی دبلۆماسی لە چواچیوەی وانەی : Negotiation in Practice and Theories وانه‌یه‌ك ڕێکدەخات


2018-04-02 (دووشەم) [ کۆلێجی یاسا و رامیاری ]

ڕۆژی دوو شه‌ممه‌ کاتژمێر سێی پاش نیوه‌رۆى 2-4-2018 به‌شی دبلۆماسیه‌تی کۆلێجی ياساو ڕامیاری زانکۆى گەشەپێدانى مرۆیى له‌ چوارچیوه‌ی وانه‌ی (Negotiation in Practice and Theories) وانه‌یه‌كی بۆ به‌رێز فه‌ره‌یدون عبدالقادر بە ناونیشانى (چۆنیه‌تی دانوستان- گفتوگۆ) رێكخست كه به‌م شێوه‌یه‌ خواره‌وه‌ بوو:-

لەماوەی ٢ کاتژمێری وانەکەدا لەبارەی گفتوگۆی کاری دیبلۆماسی باڵا لە سه‌ر رەوتی جوڵانەوەی ڕزگاریخوازانەی گەلەکەمان وتەوە كه‌ تیایدا جه‌ختی كرده‌وه‌ له‌:

- گفتوگۆکانی شێخ مەحمود لەگەڵ ئینگلیز و لەگەڵ تورکیاو ئۆزدەمیردا.

- گفتوگۆ لەسەردەمی بەعسییەکان و عبدالسلام عارف ، پاشان لەگەڵ بەعس لەکودەتای دوهەمیندا.

- تاهاتە سەر باسی گفتوگۆ لەساڵی ١٩٨٣ - ١٩٨٥ نێوان یەکێتی نیشتمانی کوردستان و ناوەندی بەغداد.

- وە گفتوگۆی ساڵی ١٩٩١ کە بۆ یەکەمین جار مام جەلال و بارزانی پێکەوە بەرانبەر عێراق بەشدارییان کرد.

لەو وانەیەدا بەڕێزیان باسی لە هەلومەرجی نێودەوڵەتی و ناوچەیی کرد، هەروەها درێژەی پرۆژەکانی کوردو ئەنجامەکانی باسکرد.

لەم وانەیەدا خویندکاران ئاشنا ئەکران بە تیوەرییەکانی دانوستان  بەدوو ئاراستەی جیاواز، یەکەم ئاراستە بریتیە لە دانوستان لە نیوان دەولەتان و وە دووەم ئاراستە بریتیە لە دانوستان لە نیوان دەولەت و ھیزە ئۆپۆزسیۆنەکان لە دەولەت. ئامانجی سیمنارەکە بریتی بوو لە گیرانەوەی میژووی دانوستانەکانی نیوان کورد و دەولەتی عیراق لە سەرەتای ١٩٦٠ ھەتا سالی ١٩٩٢.

لە دریژەی سیمنارەکەدا بەرێز فەریدون عبدالقادر باسی ئەو کاتەی کرد کە لەگەل بەریز (مام جلال) دا بەشداری دانوستانەکانیان کرد لەگەل حکومەتی عیراقی لەسالەکانی ١٩٨٣-١٩٨٤ وە لەلایەن حکومەتی عیراقیەوە سه‌رانی ئه‌و كاته‌ی رژێمی حوكمڕانی له‌ عێراق. وە پاشان چۆن حکومەتی عیراقی پاشگەزبۆتەوە و نەیان ویستووە گفتوگوکان سەربگریت.

بەرێزیان وەک ئەندامی مەکتەبی سیاسی ئەو کاتەی یەکێتی نیشتمانی کوردستان ، ئەندامێکی وەفدی دانوستانکار بوو وە ئاگاداری سەرجەم ووردە کارییەکانی گفتوگۆی ساڵی ١٩٨٣ – ١٩٨٤ نێوان حکومەتی عێراق و وەفدی یەکێتی نیشتمانی کوردستان بووە. وە بە ووردی باسی ئەو ھۆکارانەی کرد کە بووە ھۆی سەرنەگرتنی دانوستانەکە.

 

uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی