خولی شەترەنج لە زانكۆی گەشەپێدانی مرۆیی بە كۆتا گەیشت
Search

خولی شەترەنج لە زانكۆی گەشەپێدانی مرۆیی بە كۆتا گەیشت


2018-02-19 (دووشەم) [ زانکۆی گەشەپێدانی مرۆیی ]

نیوەڕۆی ئەمڕۆ 19/2/2018 بەڕێز پڕۆفیسۆر د. مەریوان أحمد رەشید سەرۆكی زانكۆ، پێشوازی كرد لە سەركەوتووانی خولی شەترەنجی زانكۆ، كە بە یاوەری بەڕێز م. ئاریان عەلی، سەرپەرشتیاری یەكەی كاروباری خوێندكاران سەردانیان كردبوو.
ئەم دیدارە پاش كۆتایی هاتنی خولی شەترەنجی زانكۆ بوو، كە یانەی شەترەنج لە یەکەی کاروباری خوێندکاران هەستابوون بە كردنەوەی بە بەشداری ٢٦ یاریزان بۆ خوێندکارانی زانکۆکەمان لە سەر ئاستی فەردی لە بەرواری 1/2/2018 تا ڕێکەوتی ‎19/2/2018 .
لە کۆتا ڕۆژی خولەکە كە ئەمڕۆ بوو یاری كۆتایی لە نێوان هەر دوو یاریزانی سەرکەوتوو بۆ یاری کۆتایی (علی حسین) و (دارسان محمد) لە كۆلێجی زانست و تەكنەلۆجیا ئەنجامدرا، لە ئەنجامدا یاریەکە کۆتایی هات بە یەکەم بوونی خوێندکار (على حسێن عبدالله) و دووەم بوونی خوێندکار( دارسان محمد دڵشاد).
لە دیدارەكەدا بەڕێز سەرۆكی زانكۆ وێڕای دەستخۆشی لە یەكەی كاروباری خوێندكاران بۆ گرنگیدانیان بە بەهرەو تواناكانی خوێندكاران، ئەوەی خستە ڕوو كە پێویستە خوێندكارانمان هەمیشە لەگەڵ گرنگیدان بە خوێندن و سەركەوتن تیایدا، گرنگی بە لایەنی جەستەیی و وەزرش بدەن و قۆناغی زانكۆ بە هەل بزانن بۆ گەشەپێدان بە بەهرەو تواناكانیان.
شایانی باسە لە کۆتایی دیدارەكەدا بەڕێز سەرۆکی زانکۆ خەڵاتی زانكۆی بەسەر سەرکەوتووان و سەرپەرشتیارانی خولەكەدا دابەش کردو هیوای سەركەوتن و بەردەوامی بۆ خواستن.

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی