سازدانی زنجیرە چالاكیەكی ئەكادیمی بۆ پرۆفیسۆر د. كرمانج گوندی
Search

سازدانی زنجیرە چالاكیەكی ئەكادیمی بۆ پرۆفیسۆر د. كرمانج گوندی


2017-01-10 (سێشەم) [ کۆلێجی ئابوری ]

لەبەرواری 21/12/2016 بەشی دڵنیایی جۆری كۆلێجی كارگێڕی و ئابووری هەستا بە سازدانی زنجیرە چالاكیەك بۆ بەڕێز پرۆفیسۆر دكتۆر كرمانج گوندی سەبارە بە سەركردایەتی و جۆرەكانی و سیفەتەکانی سەركردە. سەرەتا سمینارێك بۆ بەڕێزیان ڕێكخرا كە تێیدا مامۆستایانی زانكۆی گەشەپێدانی مرۆیی بەگشتی تێیدا ئامادەبوون. تیشك خرایە سەر راستگۆیی و دەستپاكی لە سەركردایەتیدا (Leadership with Integrity)، كە ناونیشانی نوێترین توێژینەوەی بەرێزیان بوو. پاشان لە ئێوارەی هەمان رۆژ وە بە ئامادەبوونی سەرجەم خوێندكارانی بەشی كارگێڕی كاری ئێواران، وركشۆپێك سازدرا و تێیدا بەڕێز دكتۆر كرمانج تیشكی خستە سەر جۆرەكانی سەركردایەتی لە بزنس و باشترین هەنگاوەكانی رابەرایەتی و بەرێوەبردنی بزنس كە بتوانرێت سەركەوتوو بێت و گەشە بكات. شایەنی باسە كە ئەم ۆرك شۆپە زیاتر لە دوو كاتژمێری خایاند و پێشوازیەكی گەرمی لێكرا لەلایەن خوێندكارانەوە، وە بە راو وسەرنج و رەخنە و پرسیارەكانیان بابەتەكەیان دەوڵەمەندتر كرد. بەڕێز پرۆفیسۆر دكتور كرمانج گوندی پسپۆری سەركردایەتی (Leadership)ە لە زانكۆی (Tennessee State University) لە وڵاتە یەكگرتووەكانی ئەمریكا و خاوەنی ئینستیتیوتی كلتوری كوردییە لە ئەمریكا و ماوەیەك سەرۆكی كۆنگرەی نەتەوەیی كورد بووە لە هەمان ووڵات. جێ دەستێكی دیاری لە نوسیندا هەیە وە لە گرنگترین كێبەكانی بریتیە لە (سی ساڵ خەبات و ووڵاتێكی وێران).

 

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development