سەرۆكی زانكۆ فیستیڤاڵی (وەفا)ی خوێندكاران دەكاتەوە
Search

سەرۆكی زانكۆ فیستیڤاڵی (وەفا)ی خوێندكاران دەكاتەوە


2017-03-30 (پێنجشەم) [ زانکۆی گەشەپێدانی مرۆیی ]

سەرلەبەیانی ئەمڕۆ پێنج شەممە 30/3/2017 بەڕێز پڕۆفیسۆر د. مەریوان أحمد رشید سەرۆكی زانكۆی گەشەپێدانی مرۆیی بە یاوەریی هەردوو بەڕێزان یاریدەدەرانی سەرۆكی زانكۆ، لە كەمپی دووی بناری گۆیژەی زانكۆ فیسیڤاڵی وەفای خوێندكارانی كردەوە، لەم فیستیڤاڵەدا خوێندكارانی زانكۆی گەشەپێدانی مرۆیی بە سەرپەرشتی یەكەی كاروباری خوێندكاران، چەند جۆرێكی خواردنیان ئامادەكردبوو پێشكەشی مامۆستایان و خوێندكارانی زانكۆیان دەكردو ئەوانیش بە بڕێك پارە هاوكاری فیستیڤاڵەكەیان دەكرد، كە دواتر ئەم داهاتە كۆدەكرێتەوەو دەدرێتە ئەو خوێندكارانەی زانكۆ كە پێویستیان پێیەتی.

بەڕێز سەرۆكی زانكۆ لە وتەیەكیدا لە سەرەتای كردنەوەی فیستیڤاڵەكەدا بۆ خوێندكاران و دەزگاكانی راگەیاندن وتی: هەروەك چۆن زانكۆی گەشەپێدانی مرۆیی هەمیشە پێشەنگ بووە لە بواری زانستی و ئەكادیمیدا، بە هەمان شێوەش لە بواری چالاكی خوێندكاران و فیستیڤاڵ و بۆنەو چالاكییە جۆربەجۆرەكاندا مامۆستایان و خوێندكارانی زانكۆكەمان هەمیشە بە كاری ناوازەو جوان زانكۆكەیان دەڕازێننەوە، ئەم فیستیڤاڵەی ئەمڕۆش وەك لە ناوەكەیدا دیارە وەفای خوێندكارانە بۆ زانكۆكەیان و هاوڕێ خوێندكارەكانیان.

شایانی باسە زانكۆی گەشەپێدانی مرۆیی ساڵانە چەندین دیداری زانستی و چالاكی رۆشنبیری و فیستیڤاڵ و ئاهەنگی خوێندكاری لەخۆی دەگرێت كە سەرجەمیان بە بەشداری گەرموگوڕی مامۆستایان و خوێندكارانی زانكۆ بەڕێوەدەچێت.  

 uhd.edu.iq : University of Human Development
uhd.edu.iq : University of Human Development uhd.edu.iq : University of Human Development

 
uhd.edu.iq : University of Human Development