بە ئامادەبوونی سەرۆكی زانكۆ كۆتا یاری خولی زانكۆی گەشەپێدانی مرۆیی ئەنجامدرا
Search

بە ئامادەبوونی سەرۆكی زانكۆ كۆتا یاری خولی زانكۆی گەشەپێدانی مرۆیی ئەنجامدرا


2016-08-05 (هەینی) [ زانکۆی گەشەپێدانی مرۆیی ]

سەرلەبەیانی رۆژی چوارشەممە 5 نیسانی 2017 لە كەمپی گۆیژەی زانكۆی گەشەپێدانی مرۆیی بە ئامادەبوونی بەڕێز سەرۆكی زانكۆو یاریدەدەرانی سەرۆكی زانكۆو راگرە بەڕێزەكان دوا یاری خولی تۆپی پێی خوێندكارانی زانكۆی گەشەپێدانی مرۆیی بەڕێوەچوو.

 ئەم خولە كە لە لایەن یەكەی كاروباری خوێندكارانی زانكۆوە رێكخرابوو لە دوا یاریدا هەریەك لە خوێندكارانی بەشی عەرەبی كۆلێژی زمان و بەشی دارایی و بانكی كۆلێژی كارگێڕی و ئابووری لە یارییەكی بەهێزدا رووبەڕووی یەك بوونەوەو لە ئەنجامدا بەشی عەرەبی بە سێ گۆڵی بێ بەرامبەر یارییەكەیان بردەوەو بوونە پاڵەوانی خولەكە.

لە كۆتاییدا لە لایەن بەڕێز سەرۆكی زانكۆوە وێڕای دەستخۆشی لە یەكەی كاروباری خوێندكاران و رێكخەرانی خولەكە، دیاری پێشكەش بە تیپی سەركەوتوو یاریزانانی بەشداربوو كرا.

شایانی باسە خولی تۆپی پێی زانكۆی گەشەپێدانی مرۆیی بە بەشداری 30 تیپی بەیانیان و 26 تیپی ئێواران بەڕێوەچوو، ئەمرۆش بەسەركەوتوویی دوا یاری خولەكە بەڕێوەچوو.

 uhd.edu.iq : University of Human Development