زانكۆی گەشەپێدانی مرۆیی و دەزگای نێوەدەوڵەتی (IEEE) گرێبەستێكی ئەكادیمی واژۆ دەكەن
Search

زانكۆی گەشەپێدانی مرۆیی و دەزگای نێوەدەوڵەتی (IEEE) گرێبەستێكی ئەكادیمی واژۆ دەكەن


2016-12-07 (چوارشەم) [ زانکۆی گەشەپێدانی مرۆیی ]

سەرلەبەیانی رۆژی چوارشەممە 7/12/2016 بەڕێز پڕۆفیسۆر د. مەریوان احمد رەشید سەرۆكی زانكۆی گەشەپێدانی مرۆیی بە ئامادەبوونی ئەندامانی ئەنجومەنی زانكۆو بەشێك لە مامۆستایانی كۆلێجی زانست و تەكنەلۆجیا پێشوازیان كرد لە شاندێكی رێكخراوی نێودەوڵەتی ئەندازیارانی كارەبا و ئەلیكترۆنی ناسراو بە (IEEE) ، كە پێكهاتبوون لە بەڕێزان پڕۆفیسۆر د. ستار بدر سدخان نوێنەری لقی عێراقی دەزگاكە و وەفدی یاوەری.

لە سەرەتای دیدارەكەدا بەڕێز سەرۆكی زانكۆ ئاماژەی دا بە هەنگاوەكانی زانكۆی گەشەپێدانی مرۆیی لە بواری كاری ئەكادیمی و هەماهەنگی لەگەڵ دەزگا زانستی و ئەكادیمییە ناوخۆیی و جیهانییەكان، بەڕێزیان ئەوەی خستە روو كە هەر لە سەرەتای دامەزراندنی زانكۆوە لەسەر داوای دامەزرێنەری زانكۆ بەڕێز پڕۆفیسۆر د. عەلی قەرەداغی و بە هاوكاری بەڕێزیان لەگەڵ ژمارەیەكی زۆر لە دەزگاو دامەزراوەی ئەكادیمی و زانستی پەیوەندی و هەماهەنگیمان دروست كردووە.

دواتر بەڕێز پڕۆفیسۆر د. ستار بدر نوێنەری (IEEE) باسێكی لەسەر رێكخراوەكە و چالاكییە ئەكادیمییەكانی خستە روو، وە ئاماژەی كرد بە هەوڵەكانیان بۆ خزمەتكردنی بواری ئەندازیاری و تەكنەلۆجی لە جیهاندا.

لەبەشێكی تری دیدارەكەدا زانكۆی گەشەپێدانی مرۆیی و (IEEE) گرێبەستێكی هاوبەشیان واژۆ كرد بۆ ئەنجامدانی كۆنفرانسێكی زانستی نێودەوڵەتی لە زانكۆی گەشەپێدانی مرۆیی، كە رێكخراوی ناوبراو سپۆنسەری زانستی كۆنفرانسەكە دەبێت.

شایانی باسە هەر ئەمڕۆش نوێنەری (IEEE) ۆرك شۆپێكی تایبەتی لەسەر ئەم چالاكییە هاوبەشە و چۆنیەتی ئەنجامدانی پێشكەشی مامۆستایانی كۆلێجی زانست و تەكنەلۆجیای زانكۆی گەشەپێدانی مرۆیی كرد.

جێگای ئاماژە بۆ كردنە رێكخراوی ئەندازیارانی كارەباو ئەلیكترۆنی (IEEE) دەزگایەكی نێودەوڵەتی تایبەتە بە بواری زانستی ئەندازیاری و تەكنەلۆجیای زانیاریەكان، كە زیاتر لە (41000) بەشداربووی هەیە لە (160) وڵاتی جیهانەوە، مەبەستی سەرەكی ئەم رێكخراوە وەك لە پێڕەوی كاركردنیاندا هاتووە بریتیە لە هاندان و بەرەوپێش بردنی كاركردن و توێژینەوە لە بواری ئەندازیاری كارەبا و ئەلیكترۆن و تەكنەلۆجیای زانیاریەكان.

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development