بەرزترین ئاستی زانستی بە كەمترین كرێی خوێندن
Search

بەرزترین ئاستی زانستی بە كەمترین كرێی خوێندن


2016-10-24 (دووشەم) [ کۆلێجی زمان ]

 ئەمەی سەرەوە یەكێك لە پەیامە هەرەگرنگەكانی بەڕێز پڕۆفیسۆر د. مەریوان ئەحمەد رەشید (سەرۆكی زانكۆی گەشەپێدانی مرۆیی) بوو كە لە كۆنگرە رۆژنامەوانیەكەی ئەمڕۆ (٢٤ی تشرینی یەكەمی ٢٠١٦) لە رێگەی كەناڵەكانی راگەیاندنەوە ئاراستەی خەڵكی كوردستانی كرد. كۆنگرە رۆژنامەوانیەكە بە بۆنەی راگەیاندنی ئەنجامی ریزبەندی نیشتمانی زانكۆكان سازكرابوو كە تێیدا زانكۆی گەشەپێدانی مرۆیی لە پڕۆسەیەكی زانستی و ئەكادیمی شەفاف و كەم وێنەی وەزارەتی خوێندنی بالا و توێژینەوەی زانستی پلەی (یەكەم)ی بەدەستهێنا لەسەر ئاستی زانكۆكانی هەرێمی كوردستان و، بۆ ئەو مەبەستەش دەستخۆشی تایبەت ئاراستەی وەزارەتی خوێندنی بالا و توێژینەوەی زانستی كرا. بەڕێز سەرۆكی زانكۆ ئاماژەی بە پێشەنگی زانكۆ كرد لە پێوەرەكانی ریزبەندی ئەمساڵ و جەختی لەسەر بەرزركردنەوەی ئاستی زانستی و پێگەی ئەكادیمی زانكۆی گەشەپێدانی مرۆیی كرد تا ئاستی نێودەوڵەتیبوون لە رێگەی جێبەجێكردنی چەندین سیستەم و پڕۆگرام، وەك سیستەمی بۆڵۆنیا و بەشداری زانكۆ لە پڕۆگرامی (ئیراسمەس)ی نێودەوڵەتی. لە كۆنگرە رۆژنامەوانیەكەدا، بەڕێز سەرۆكی زانكۆ جەختی لەسەر ئاماەیی زانكۆی گەشەپێدانی مرۆیی كردەوە بۆ راگەیاندنی خوێندنی ماستەر و دكتۆرا بە پێوەرە نێودەوڵەتیەكان و، هیوای خواست بە زووترین كات ئەو دەرفەتە ببەخشرێتە زانكۆی گەشەپێدانی مرۆیی تا سەرمەشقی خۆی لەم نێوەندەشدا بسەلمێنێت. هەر لە كۆنگرەكەدا بە سوپاسەوە رۆڵی كاریگەر و یەكلاكەرەوەی خاوەنی زانكۆ (بەڕێز پڕۆفیسۆر د.عەلی قەرەداغی) و یەك بە یەكی مامۆستایان و خوێندكاران و كارمەندان و كارگێڕانی زانكۆ، لە لایەن بەڕێز سەرۆكی زانكۆوە، بەرز نرخێنرا كە ئەوە دوو ساڵە لەسەر یەك هێما و خەلاتی لوتكەی پێگەی زانستی و ئەكادیمی لە بەرۆكی زانكۆ گەنجە لێهاتوەكە دەدەن. لە كۆتاییدا و لە وەلامی پرسیاری رۆژنامەنوساندا، بەڕێز سەرۆكی زانكۆ جەختی لەسەر جێبەجێكردنی دەستبەجێی هەر بڕیار و رێنماییەكی وەزارەتی خوێندنی بالا و توێژینەوەی زانستی كردەوە كە بە ئاراستەی بەرژەوەندی دارایی خوێندكاران و دۆخی ئابوری ئێستای گەلەكەماندا بێت. هاوكات بە خۆشحاڵیەوە ئاماژەی بە گشتاندنێكی وەزارەتی خوێندنی بالا و توێژینەوەی زانستی كرد كە تێیدا داوا لە سەرجەم زانكۆ تایبەتەكانی هەرێمی كوردستان كراوە كە چاو لە زانكۆی گەشەپێدانی مرۆیی بكەن كە بە كەمترین كرێی خوێندن باشترین زانست و بەرزترین ئاستی ئەكادیمی پێشكەشی خوێندكارانی ئەكات.

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development