دیداری كۆتایی ساڵ و ئێوارە خوانێك مامۆستایان و فەرمانبەرانی زانكۆ كۆدەكاتەوە
Search

دیداری كۆتایی ساڵ و ئێوارە خوانێك مامۆستایان و فەرمانبەرانی زانكۆ كۆدەكاتەوە


2017-06-16 (هەینی) [ زانکۆی گەشەپێدانی مرۆیی ]

 سەرلەئێوارەی ئەمڕۆ 15-6-2017 بەڕێز پڕۆفیسۆر د. مەریوان ئەحمەد رەشید سەرۆكی زانكۆ، بە ئامادەبوونی یاریدەدەرانی سەرۆك و ئەندامانی ئەنجوومەنی زانكۆ، بە بۆنەی كۆتایی هاتنی ساڵی خوێندن لەگەڵ مامۆستایان و فەرمانبەرانی زانكۆ كۆبوویەوە.

لەو دیدارەدا كە لە هۆڵی پڕۆفیسۆر د. عەلی قەرەداغی لەكەمپی بناری گۆیژەی زانكۆ ئەنجامدرا  سەرەتا بەڕێز سەرۆكی زانكۆ سوپاسی مامۆستایان و فەرمانبەرانی كرد كە بەهۆی هەوڵ و ماندووبونی هەمووانەوە زانكۆ توانیویەتی ساڵێكی نوێ و پڕ بەرهەم بە سەركەوتویی بەڕێ بكات، هەروەها بەڕێزیان لە بەشێكی دیكەی وتەكانیدا ئاماژەی بەوەدا كە مایەی خۆشحاڵییە یەكێك لە سیما دیارەكانی زانكۆی گەشەپێدانی مرۆیی كە هەموو لایەك شاهیدی بۆ دەدەن ئەوەیە كە زانكۆ بە بەردەوامی یەكسانی لەنێوان خوێندكاران رەچاو كردووەو هەرگیز بە هیچ هۆكارێكەوە جیاوازی لەنێوان خوێندكاران نەكراوە. ئەمەش مایەی خۆشحاڵی هەموومانە و دروستكردنی كەلتورێكی جوانیشە بۆ كۆمەڵگا.

شایانی باسە هەر لەمڕۆداو دوای دیدارەكە سەرجەم مامۆستایان و فەرمانبەرانی زانكۆ لە ئێوارە خوانێكی رەمەزانی و لە كەشێكی پڕ لە دۆستایەتی و خۆشەویستیدا بەربانگیان كردەوەو نانی ئێوارەیان لەناو زانكۆدا پێكەوە خوارد.

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development