سەرۆكی زانكۆ پێشوازی دەكات لە سەركونسوڵی كۆماری ئیسلامیی ئێران لە سلێمانی
Search

سەرۆكی زانكۆ پێشوازی دەكات لە سەركونسوڵی كۆماری ئیسلامیی ئێران لە سلێمانی


2017-05-22 (دووشەم) [ زانکۆی گەشەپێدانی مرۆیی ]

دوای نیوەڕۆی رۆژی22/5/2017 بەڕێز پڕۆفیسۆر د. مەریوان احمد رشید سەرۆكی زانكۆی گەشەپێدانی مرۆیی بە ئامادەبوونی بەڕێزان پڕۆفیسۆری یاریدەدەر د. رەئوف كریم راگری كۆلێجی زمان و پڕۆفیسۆری یاریدەدەر د. كەنعان حەمە غەریب راگری كۆلێجی یاسا و رامیاری و م. زمناكۆ شاری بەڕێوەبەری نووسینگەی سەرۆكی زانكۆو م.نەجات قەرەداغی بەڕێوەبەری راگەیاندن و روناكبیری زانكۆ، پێشوازیان كرد لە وەفدێكی كونسوڵگەری كۆماری ئیسلامیی ئێران لە شاری سلێمانی كە پێكهاتبوون لە بەڕێزان سعدالله مسعودیان سەركونسوڵی كۆماری ئیسلامیی ئێران لە شاری سلێمانی و عارفی عەباسی راوێژكاری ئابوری لەو كونسوڵگەریە و زانا عەلی بەرپرسی كارەكانی نوسینگەی سەركونسوڵ.

لە دیدارێكدا كە نزیكەی كاتژمێرێكی خایاند سەرەتا بەڕێز سەرۆكی زانكۆ باسێكی كورتی دەربارەی مێژووی زانكۆی گەشەپێدانی مرۆیی خستەڕوو، وە ئەوەی رونكردەوە كە بەڕێز پڕۆفیسۆر د. عەلی قەرەداغی وەك خزمەتێك بەم ناوچەیە لە ساڵی 2008 ئەم زانكۆیەی دامەزراند، پاشانیش بەڕێزیان هەنگاوەكانی فراوان بوونی زانكۆو سەركەوتنەكانی لە ماوەی رابردوو بۆ وەفدەكە روون كردەوە.

لە لای خۆیەوە بەڕێز سەركونسوڵگەری كۆماری ئیسلامیی ئێران خۆشحاڵی خۆی دەربڕی بەوەی كە لە كوردستاندا زانكۆیەكی ئەهلی لەم ئاستەدا بوونی هەیەو بەم شێوەیە كار بۆ خزمەتكردنی كۆمەڵگە دەكات. هەروەها بەڕێزیان داوای كرد كە هەوڵ بدرێت پەیوەندیەكانی زانكۆی گەشەپێدانی مرۆیی لەگەڵ زانكۆكانی كۆماری ئیسلامیی ئێران فراوانتر بكرێت و هەماهەنگی و كاری هاوبەش پێكەوە ئەنجام بدەن.

لە كۆتایی دیدارەكەدا بەڕێز سەرۆكی زانكۆ لۆگۆو دیاری زانكۆی بەخشییە وەفدی میوان و ئەوانیش هیوایان خواست كە پەیوەندییەكانیان بەردەوام بێت بۆ خزمەتكردنی زیاتری زانست و پێشكەوتنی لە هەردوو وڵات.

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development