هەواڵەکان

سەرۆكی زانكۆ پێشوازی لە رێكخراوی شەهیدانی سەنگەر دەكات

 

ئێوارەی ئەمڕۆ 23/11/2016 بەڕێز پڕۆفیسۆر د. مەریوان احمد رشید سەرۆكی زانكۆ بە ئامادەبوونی بەڕێزان پ.ی. د. هیوا قەرەداغی و پ.د. انور محمد فرج یاریدەدەرانی سەرۆكی زانكۆ، پێشوازیان كرد لە وەفدێكی رێكخراوی شەهیدانی سەنگەر كە پێكهاتبوون لە سەرۆك و چەند ئەندامێكی رێكخراوەكە.

لە دیدارێكدا وەفدی میوان دەستخۆشی و سوپاسی خۆیان بۆ سەرۆكایەتی زانكۆ دەربڕی لەسەر ئەو هاوكاریەی ساڵانە زانكۆ پێشكەش بە كەسوكاری شەهیدان و ئەنفالکراوان دەكات لە كرێی خوێندن.

لەلایەن خۆیەوە بەڕێز سەرۆكی زانكۆ وێڕای بەخێرهاتنی وەفدی میوان ئاماژەی بەوەكرد كە زانكۆی گەشەپێدانی مرۆیی هەر لە سەرەتای دامەزراندنیەوە بە فەرمانی بەڕێز پڕۆفیسۆر د. عەلی قەرەداغی دامەرێنەری زانكۆ گرنگیەكی تایبەتی داوە بە كەسوكاری شەهیدان و هەمیشە بەڕێزیان هاوكاری تایبەتی بۆ ئەوان هەبووە، ئەمە جگە لەوەی لە هەموو پرۆژەو كارەكانی زانكۆ بۆ هاوكاری بۆ برا پێشمەرگەكان و كەسوكاری شەهیدان و ئەنفال بەڕێزیان رۆڵی سەرەكی هەبووە.

ئەمەو لە كۆتاییدا وەفدی رێكخراوی شەهیدان دیاری تایبەتی رێكخراوەكەیان بەخشییە هەریەك لە سەرۆكی زانكۆو یاریدەدەرانی وەك ئاماژەیەك بۆ رۆڵی زانكۆ لە هاوكاری كردنی كەسوكاری شەهیدان.

شایانی باسە ساڵانە زانكۆی گەشەپێدانی مرۆیی هاوكاری ژمارەیەكی بەرچاو لە خوێندكارانی كەسوكاری شەهیدان و ئەنفالەكانی كوردستان دەكات بۆ تەواوكردنی خوێندن لە زانكۆ.