هەواڵەکان

زانكۆی گەشەپێدانی مرۆیی و زانكۆی چەرموو نامەی لێكتێگەیشتنیان لە نێوانیاندا واژۆ كرد

 

نیوەڕۆی ئەمڕۆ 9/8/2016 سەرۆكی زانكۆی گەشەپێدانی مرۆیی بەڕێز  پڕۆفیسۆر د. مەریوان ئەحمەد رەشید بە ئامادەبوونی بەڕێزان ئەندامانی ئەنجوومەنی زانكۆو پڕۆفیسۆری یاریدەدەر د. رێبوار كەریم بەڕێوەبەری پەیوەندییەكانی زانكۆ پێشوازیان كرد لە وەفدێكی زانكۆی چەرموو كە پێكهاتبوون لە بەڕێزان پڕۆفیسۆر د. سەڵاح رەزا سەرۆكی زانكۆو یاریدەدەری سەرۆكی زانكۆو چەند ئەندامێكی ئەنجوومەنی زانكۆی چەرموو.
لە دیدارێكی دۆستانەدا باس لە بارودۆخی ئەمڕۆی زانكۆكانی هەرێمی كوردستان كراو تیشك خرایە سەر دوایین هەوڵ و چالاكی هەردوولا بۆ بەرەوپێش بردنی زانكۆكان.
لە بەشێكی تری دیدارەكەدا بەڕێزان هەردوو سەرۆكی زانكۆ بە مەبەستی هەماهەنگی و هاوكاری زیاتر لە بوارە جۆراوجۆرە ئەكادیمی و زانستییەكاندا، نامەی لێكتێگەیشتنیان واژۆ كرد.
لە كۆتاییدا هەردوولا هیوایان خواست كە ئەم هەنگاوە ببێتە دەستپێكی كۆمەڵێك لە كارو چالاكی گرنگ لە نێوان هەردوو زانكۆكەدا.