هەواڵەکان

 ژمارە (1)ی گۆڤاری گەشەپێدان كەوتە بەر دیدی خوێنەران

گۆڤاری گەشەپێدان بۆ هەمووان، كە گۆڤارێكی رۆشنبیری گشتی وەرزییە و زانكۆی گەشەپێدانی مرۆیی دەری دەكات، ژمارە (1)ی كەوتە بەر دیدی خوێنەران.
ئەم گۆڤارە گۆڤارێكی وەرزییە كە خاوەنی ئیمتیازەكەی زانكۆی گەشەپێدانی مرۆییە و سەرۆكی دەستەی نووسەرانی بەڕێز پڕۆفیسۆر د. مەریوان ئەحمەد رەشیدە، لەم ژمارەیەی گۆڤارەكەدا هەریەك لە بەڕێزان پڕۆفیسۆر د. عەلی قەرەداغی سەرۆكی ئەنجومەنی ئەمینداریەتی زانكۆو بەڕێز پڕۆفیسۆر د. مەریوان ئەحمەد رەشید سەرۆكی زانكۆی گەشەپێدانی مرۆیی بە وتار و دیداری رۆژنامەوانی بەشدارن لە گۆڤارەكەدا. ئەمە جگە لە چەندین بابەت و دیداری گرنگ لە لایەن مامۆستایان و خوێندكارانی زانكۆی گەشەپێدانی مرۆیی و هەروەها بەشێك لە هەواڵ و چالاكیەكانی زانكۆی گەشەپێدانی مرۆیی.
شایانی باسە (گۆڤاری گەشەپێدان بۆ هەمووان) وەك گۆڤارێكی زانكۆیی رۆشنبیری لە لایەن سەندیكای رۆژنامەنووسانی كوردستانەوە بە تۆماری یاسایی ژمارە (829) لە 10/7/2016 تۆماركراوە.
 
مامۆستایان و خوێندكاران و خوێنەرانی بەڕێز دەتوانن بە سەردانی بەڕێوەبەرایەتی راگەیاندن و روناكبیری زانكۆ، لە كەمپی دووی زانكۆی گەشەپێدانی مرۆیی لە بناری گۆیژە نوسخەی گۆڤارەكە بەدەست بهێنن، یاخود بە سەردانی ئەم لینكە وینەی ئەلیكترۆنی گۆڤارەكە ببینن: http://goo.gl/sNaq1g
 
ئەمە جگە لەوەی دەتوانن بابەت و پێشنیارەكانیان بنێرن بۆ ئیمەیڵی بەڕێوەبەری نووسینی گۆڤار: This email address is being protected from spambots. You need JavaScript enabled to view it.