هەواڵەکان

 بەڕێز پڕۆفیسۆر د. عەلی قەرداغی بەشداری كۆنگرەی زانستی یەكخستنی رۆژژمێری كۆچی لە توركیا دەكات

لە رۆژانی 28-2016/5/30 بە ئامادەبوونی ١٢٧ كەسایەتی و زانای بواری شەریعەت و گەردونزانی و لەژێر چاودێری بەڕێز محمد گورماز سەرۆكی كاروباری ئاینەكان لە توركیا، كۆنگرەیەكی تایبەت بە یەكخستنی رۆژژمێری كۆچی لەسەر ئاستی جیهان بەڕێوەچوو.بەڕێز پڕۆفیسۆر د. عەلی قەرەداغی سەرۆكی ئەنجومەنی ئەمینداریەتی زانكۆی گەشەپێدانی مرۆیی و ئەمینداری گشتی یەكێتی جیهانی زانایانی موسوڵمان، بەشداری كۆنگرەكەی كردو جگە لەوەی بەڕێزیان سەرپەرشتی زۆربەی دانیشتنەكانی دەكرد لە هەمان كاتدا بابەتێكی لەسەر لایەنە شەرعییەكانی پەیوەست بەم بابەتە پێشكەشی ئامادەبووان كرد.ئەمەو لە كۆتایی كۆنفراسەكەدا بڕیاردرا كە سەرجەم وڵاتان پابەند بن بە كارهێنانی یەك تەقویم كە پێی دەوترێت (التقویم الاحادی) و لەسەر ئەو بنەمایە رۆژو ساڵی كۆچی دیاری بكرێت.