هەواڵەکان

 سەرۆكی زانكۆ بەفەرمی بانگهێشتی كۆنگرەیەكی زانستی گەردونزانی دەكریت لە شاری ئەستەنبوڵ

لە رۆژانی  28-2016/5/30 بە ئامادەبوونی زیاد لە 60 وڵات و چەندین زاناو ئەكادیمی و پسپۆڕ لە بواری گەردونزانی و فیزیادا كۆنگرەیەكی تایبەت بە گەردونزانی ئەنجامدرا. مەبەستی سەرەكی لە كۆنگرەكە دروستكردنی رۆژژمێرێكی كۆچی یەكگرتوو بوو لە سەرتاسەری جیهان كە هەموو موسوڵمانان پێیەوە پابەند بن. ئەمەو كۆنفرانسەكە كە سێ رۆژی خایاند چەندین توێژینەوەی گرنگی زانستی و گەردونزانی تیادا خرانەڕوو، وە باس لەسەر شێوازەكانی بینینی مانگ و سەرەتای مانگی كۆچی كرا و لە كۆتاییدا بڕیار درا كە رۆژژمێری كۆچی ئوحادی (التقویم الاحادی) بكرێتە سەرچاوەی كارپێكردن لە سەرجەم وڵاتاندا و بۆ ماوەی پێنج ساڵ وەك ئەزموونی مامەڵەی لەگەڵدا بكرێت. شایانی باسە بەڕێز پڕۆفیسۆر د. مەریوان ئەحمەد رەشید سەرۆكی زانكۆی گەشەپێدانی مرۆیی وەك پسپۆڕی بواری فیزیا و گەردونزانی بانگهێشتی كۆنگرەكە كرابوو،