هەواڵەکان

 

سەرۆكی زانكۆ: بە رێنمونی و پاڵپشتی خاوەنی زانكۆ، هەمیشە زانكۆكەمان لە بەرەوپێشچوون و پێشەنگبووندایە

 

سەرۆكی زانكۆی گەشەپێدانی مرۆیی بەڕێز پڕۆفیسۆر د. مەریوان ئەحمەد رەشید كەمێك پێش ئێستا لە مەراسیمی كردنەوەی سێیەمین كۆنفرانسی زانستی زانكۆی گەشەپێدانی مرۆیی وتارێكی پێشكەشی كرد.

لە وتەكەیدا بەڕێزیان جگە لە بەخێرهاتنی میوانەكانی زانكۆ ئاماژەی بەوە كرد كە زانكۆی گەشەپێدانی مرۆیی هەر لە سەرەتاوەو بە رێنمونی بەڕێز خاوەنی ئیمتیازی زانكۆ پڕۆفیسۆر د. عەلی قەرەداغی هەمیشە هەوڵی داوە لە پێشەنگدا بێت و كاری گەورە ئەنجام بدات، ئەم كۆنفرانسەش كە بە هاوبەشی لەگەڵ زانكۆی پۆلیتەكنیكی سلێمانی و دەستەی كوردستانی بۆ دیراساتی سترتیجی ئەنجممان داوە بەشێكە لەو كارە گەورەو گرنگانەی زانكۆ.

لە بەشێكی تری وتەكەیدا بەڕێزیان ئاماژەی بەوەدا كە لە ئێستادا زانكۆی گەشەپێدانی مرۆیی پەیوەندیەكی باشی لەگەڵ زانكۆو دەزگا ئەكادیمیی و حكومیەكانی ناوەو دەرەوەی كوردستاندا دروست كردووەو نامەی هاوكاری و لێكتیگەیشتنمان لەگەڵ چەندین دەزگاو دامەزراوەی ناوخۆو دەرەوەدا واژۆ كردووە كە سەرجەمیان بۆ خزمەتكردنە بە بواری خوێندن و زانست لە كوردستانی خۆشەویستدا..

هەروەها بەڕێزیان ئەوەی خستە روو كە زانكۆی گەشەپێدانی مرۆیی لە پاڵ گرنگیدان بە بواری خوێندن و ئەكادیمیدا لایەنی چالاكییە وەرزشی و هونەریەكانی فەرامۆش نەكردووەو ساڵانە چەندین چالاكی جۆراوجۆر لەو بوارانەشدا بە ئەنجام دەگەیەنێت..

لە كۆتایی وتەكەشیدا بەڕێزیان ئاماژەی بەوەكرد كە سەرجەم ئەم كارو چالاكیانە لە كەشی ئارامی ئەمڕۆی كوردستاندا ئەنجام دراون كە بە خەبات و قوربانیدانی برایانی پێشمەرگە لە سەنگەرەكانی بەرگری لە خەلكی كوردستاندا هاتۆتە دی، بۆیە سڵاوو رێزی بۆ برایانی پێشمەرگە ناردو هیوای سەركەوتنی هەمیشەیی بۆ خواستن..

بۆ خوێندنەوەی تەواوی وتارەكەی بەڕێز سەرۆكی زانكۆ كلیك لەم لینكەی خوارەوە بكە:

 

ووتاری بەڕێز سەرۆکی زانکۆ