University of Human Development : NEWS : زانكۆی گەشەپێدانی مرۆیی و تۆڕی سەرکەوتنی عێراق21 كۆبوونەوە
Search

زانكۆی گەشەپێدانی مرۆیی و تۆڕی سەرکەوتنی عێراق21 كۆبوونەوە


2017-03-11 (Saturday) [ University of Human Development ]

سەرلە ئیوارەی ڕۆژی 9/3/2017 سەرۆكی زانكۆی گەشەپێدانی مرۆیی بەڕێز پڕۆفیسۆر د. مەریوان أحمد رشید، بە ئامادەبوونی ئەندامانی ئەنجوومەنی زانكۆ، پێشوازی كرد لە وەفدێكی (سەركەوتنی عێراق21) بە سەرپەرشتی بەڕێز د. لیث كبة و وەفدی هاوڕێی.

لە سەرەتای دیدارەكەدا بەڕێز سەرۆكی زانكۆ جگە لە بەخێرهاتنی وەفدی میوان، ئەوەی خستە ڕوو كە هەمیشە زانكۆی گەشەپێدانی مرۆیی هاوكاربووەو لە داهاتووشدا هاوكار دەبێت بۆ هەر پرۆژەو پرۆگرامێك خزمەت بە پێگەیاندنی لاوان و گەشەپێدانی تواناكانیان بكات.

لە لای خۆیەوە سەرۆكی وەفدی میوان د. لیث كبة سوپاسی سەرۆكایەتی زانكۆیان كرد بۆ ئاسانكاری و هەماهەنگیان لەگەڵ رێكخراوەكەیان، بە تایبەت پارساڵ كە توانرا بە هاوكاری زانكۆی گەشەپێدانی مرۆیی گەورەترین پرۆگرامی تایبەت بە لاوان جێبەجێ بكرێت كە نزیكەی 200 گەنج و لاو لە سەرتاسەری عێراق تیایدا بەشداربوون.

پاشان كۆبوونەوەی هاوبەشی نێوان ئەنجومەنی زانكۆی گەشەپێدان و رێكخراوی ناوبراو ئەنجامدرا، كە لەو كۆبوونەوەیەدا رێكخراوەكە باسیان لە پرۆژەیەكی داهاتووی خۆیان كرد بۆ پەرەپێدانی تواناكانی خوێندكاران، كە بتوانن وەك كارێكی هاوبەش لەگەڵ زانكۆ ئەنجامی بدەن و لەم رێگەیەشەوە خوێندكارانی زانكۆ سوودمەند بن لەم دەرفەتە.

ئەمەو پاش ئەوەی لە لایەن ئەندامانی ئەنجوومەنی زانكۆوە بە تێروتەسەلی گفتوگۆ لەسەر ئەم پرۆژەیە كرا، وێڕای سوپاس و دەستخۆشی بۆ رێكخراوەكە سەرۆكی زانكۆ بەڵێنی بە وەفدی میوان دا كە پرۆژەكەیان لە لایەن زانكۆوە بە هەند وەردەگێرێ و لە ماوەی چەند مانگێكدا تەواوی لایەنەكانی پرۆژەكە كاری لەسەر دەكرێت، تا بتوانرێت لە داهاتوودا بە شیوەیەكی پراكتیكی بە هاوبەشی تۆڕی ناوبراو بخرێتە خزمەتی خوێندكاران.

شایانی باسە هەر لەم دیدارەدا بەڕێز سەرۆكی زانكۆی گەشەپێدانی مرۆیی دیاری تایبەتی زانكۆی پێشكەش بە سەرۆكی رێكخراوەكەو بەڕێوەبەری كارگێڕی كردو ئەوانیش وێڕای سوپاسی زانكۆ هیوایان خواست كە هاوكاری و هەماهەنگی هەردوولا بەردەوامی هەبێت بۆ خزمەتی زیاتری خوێندكاران و لاوان.

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development