ئەرشیفی هەواڵەکان

زانكۆی گەشەپێدانی مرۆیی پرۆگرامی (UHD Talks) رادەگەیەنێت بۆ سەركردایەتی گەنجان

بەچاودێری و ئامادەبوونی سەرۆكی زانكۆی گەشەپێدانی مرۆیی پڕۆفیسۆر د. مەریوان ئەحمەد رەشید، وە بە ئامادەبوونی ئەندامانی ئەنجوومەنی زانكۆو ژمارەیەكی زۆر لە مامۆستایان و خوێندكاران و فەرمانبەرانی زانكۆ، سەرلەبەیانی ئەمڕۆ كۆلێجی زمانی زانكۆی گەشەپێدانی مرۆیی پرۆگرامی (UHD Talks)ی راگەیاند، ئەم پرۆگرامە كە یەكێكە لە پرۆژە بەردەوامەكانی زانكۆی گەشەپێدانی مرۆیی و یەكەم چالاكی پرۆگرامەكە بریتی بوو لە سیمپۆزیۆمێكی یەك رۆژە دەربارەی سەركردایەتی گەنجان. لەم سیمپۆزیۆمەدا هەریەك لە بەڕێزان (عەبدولسەلام مەدەنی/ بەڕێوەبەری گشتی جێبەجێكاری رێكخراوی ڕوانگە ، شاسوار عبدالواحد/ دامەزرێنەرو خاوەنی گروپی كۆمپانیاكانی نالیا ، خاتوو نیهاندینی سەینتی / دامەزرێنەرو بەڕێوەبەری رێكخراوی Impact Iraq ) بەشدریان كرد. هەریەك لەو بەڕێزانە بە بابەتێك دەربارەی تواناو لێهاتنەكانی گەنجان و چۆنیەتی خۆئامادەكردن بۆ گۆڕانكارییەكان و بەدەستهێنانی سەركەوتن لە كاردا بەشداریان كرد. ئەوەی شایانی باسە ژمارەیەكی زۆر لە مامۆستایان و خوێندكارانی زانكۆی گەشەپێدانی مرۆیی كە بەشداری سیمپۆزیۆمەكەی ئەمڕۆ بوون خۆشحاڵی خۆیان بەم چالاكییە دەربڕی و هیوای بەردەوامیان بۆ خواست.وابڕیارە كۆلێجی زمانی زانكۆی گەشەپێدانی مرۆیی لەم پرۆگرامەدا كە پرۆگرانمێكی درێژخایەنە چەندین كەسایەتی كاریگەر بانگهێشت بكات و ئەزموونی خۆیان بۆ خوێندكاران و مامۆستایانی زانكۆی گەشەپێدانی مرۆیی بخەنە ڕوو.