ئەرشیفی هەواڵەکان

سەرۆكی زانكۆ لە یەكەمین كۆنفرانسی زانستی كۆلێجی زانست: زانكۆ هەمیشە هاندەری توێژینەوە زانستییەكان بووە

 

سەرلەبەیانی رۆژی چوارشەممە 14/12/2016 كۆلێجی زانست و تەكنەلۆجیا لە زانكۆی گەشەپێدانی مرۆیی یەكەمین كۆنفرانسی زانستی خۆی ئەنجامدا. لەو كۆنفرانسەدا كە لە كەمپی بناری گۆیژەی زانكۆ ئەنجامدرا سەرەتا بەڕێز د. نورەدین ناصح راگری وتەی بەخێرهاتنی پێشكەش كردو مەبەست و ناوەڕۆكی ئەم كۆنفرانسە زانستییەی خستە ڕوو. پاشان بەڕێز پڕۆفیسۆر د.مەریوان ئەحمەد رەشید سەرۆكی زانكۆ وتەیەكی پێشكەشی ئامادەبووان كرد. تیایدا ئەوەی خستە روو كە زانكۆی گەشەپێدانی مرۆیی هەر لە سەرەتای دامەزراندنیەوە هاندەری ئەنجامدانی توێژینەوەی زانستی و ئەكادیمی بووە، ئەم كۆنفرانسە زانستی و چالاكییە ئەكادیمیەی كۆلێجی زانستیش مایەی دەستخۆشیەو هیوای بەردەوامی و سەركەوتنیان بۆ دەخوازین.

(( بۆ بینینی تەواوی وتەكانی بەڕێز سەرۆكی زانكۆ كلیك لێرە بكە ))

پاشان بڕگە زانستییەكانی كۆنفرانس دەستی  پێكردو تیایدا چەندین بابەتی زانستی و ئەكادیمی لە (10) دانیشتنی جیاوازدا پێشكەش كران و ئامادەبووانیش گفتوگۆی وردی بابەتاەكانیان كرد.