چالاکی خوێندکاران

 

بۆ رێكخستنی كاتەكانی وێنەی دەرچووان، كۆبوونەوەیەك ئەنجامدرا

دوای نیوەڕۆی رۆژی سێ شەممە 5/4/2016 لە زانكۆی گەشەپێدانی مرۆیی و لە لایەن بەڕێوەبەرایەتی راگەیاندن و روناكبیری و یەكەی كاروباری خوێندكارانەوە كۆبوونەوەیەكی تایبەت رێكخرا لەگەڵ نوێنەرانی قۆناغی چوارەمی سەرجەم كۆلێژەكانی زانكۆ، مەبەستی سەرەكی كۆبوونەوەكە دیاریكردنی رۆژو كاتەكانی وێنەی دەرچوون بوو لە زانكۆی گەشەپێدانی مرۆیی.

سەرەتای كۆبوونەوەكە بەڕێز م. نەجات حەسەن قەرەداغی ئاماژەی بە چەند خاڵ و رێنماییەك دا كە پێویستە لەو رۆژەدا خوێندكاران پێیەوە پابەند بن بۆ زیاتر رێكخستنی كارەكان، پاشان بەڕێز م. ئاریان بەرپرسی یەكەی كاروباری خوێندكاران پێشنیاری رۆژەكانی خستە بەردەم ئامادەبووان و دوای گفتوگۆو راگۆڕینەوە بڕیاردرا بە پێی ئەم خشتەیەی كە دیاری كراوە مەراسیمی وێنەی دەرچوون ئەنجام بدرێت، وە داواكرا كە خوێندكاران پابەند بن بە كات و شوێنی دیاریكراوەوە.