ئەرشیف

یەکەمین كۆنفراسی زانستی نێودەوڵەتی زانكۆی گەشەپێدانی مرۆیی

ڕۆژی سێشەممە ٢٠١٤/٤/١ زانكۆی گەشەپێدانی مرۆیی لە شاری سلێمانی یەكەمین كۆنفراسی زانستی بە بەشداری ژمارەیەك لە توێژەرانی زانكۆ ناوخۆیی و جیهانییەکان دەستی پێكرد.كۆنفراسەكە لەژێر دروشمی "گەشەپێدانی مرۆیی .. واقیع و خواست" بە بەشداری زانكۆكانی هەرێمی كوردستان و عێراق لەگەڵ ژمارەیەك لە كەسایەتی زانستی و ئەكادیمی بیانی بەڕێوە دەچێ‌ و ماوەی دوو ڕۆژ دەخایەنێ‌.لەكۆنفراسەكەدا ژمارەيەك لەبەرپرسانى لايەنە سياسييەكانى هەرێم ، لەوانەش د.بەرهەم ئەحمەد ساڵح و مامۆستا سەڵاحەدين محەمەد بەهادين و شێخ محەمەد بەرزنجى و محەمەدى حاجى مەحمود و محەمەد قەرەداغى سكرتێرى ئەنجومەنى وەزيران و نوێنەرى وەزارەتى خوێندنى باڵاو توێژينەوەى زانستى و ژمارەيەكى تر لەكەسايەتييەكان ئامادەبون.لە سەرەتای کۆنفرانسەکەدا بە خوێندنی چەند ئایەتێک لە قورئانی پیرۆز و پێشکەش کردنی مارشی نیشتیمانی کوردستان و مارشی زانکۆ دەستی پێکرد لە كۆنفراسەكە دابەڕێز پرِۆفيسۆر د. عەلی قەرەداخی، سەرۆكی ئەنجومەنی ئەمیندارێتی زانكۆكە ووتارێکی پێشکەش کرد و تێیدا ووتی: "گەشەپێدانی مرۆیی و ئاوەدانكردنەوەی وڵات، پەیوەستن پێكەوە و بەو دوانە وڵات بەرەو پێشەوە دەچێ. لەڕێی ئەم كۆنفراسەوە دەمانەوێ‌ بەشداربین لەگەشەپێدانی مرۆیی و ئاوەدانكردنەوەی هەرێمی كوردستان، هەمووانیش پێویستە بەشداری بكەن لەداڕشتنی ستراتیژییەتێك بۆ گەشەپێدانی مرۆیی."هەروەها بەڕێز د كتور مەریوان ئەحمەد رەشید سەرۆكی زانكۆی گەشەپێدانی مرۆیی ووتی: "ئەم كۆنفراسە گرێدانی توێژینەوە زانستییە ناوخۆیی و دەرەكییەكانە كە لە چەندین زانكۆی ناوخۆی كوردستان و عێراق و جیهانەوە بەشدارییان کردووە.لە میانەی ووتەکەیدا سەرۆکی زانکۆی گەشەپێدا روونیشی کردەوە ئامانج لەم کۆنفرانسە خزمەتی زیاترە بە بواری زانستی لە هەرێمی کوردستاندا لەهەمان کاتتدا بە مەبەستی بەهێز کردن و دروستکردنی پردی پەییوەندی لە نێوان زانکۆی گەشەپێدان و زانکۆکانی تری ووڵاتانی عەرەبی و بیانی . پاشان پرۆفیسۆر ڕیکۆ ماتسۆکا ووتاری میوانانی ئامادەبووی لەدەرەوەی هەرێمی کوردستان پێشکەش کردوو تیایدا ئاماژەی بە گرنگی ئەنجامدانی ئەم جۆرە کۆنفرانسانە کرد لە ووڵاتانی جیاجیای جیهان و ئاماژەشی بەوەدا ئەمە سەرەتای هەوڵێکی گرنگە لە پێناو پێشخستنی زانستی ئەکادیمی لە هەرێمی کوردستان دواتر د.صوهەیب ئامێدی سەرۆکی لیژنەی ئامادەکاری کۆنفرانس بە ووتارێک کە تیایدا وێڕای بەخێرهێنانی لە ناوەوە دەرەوی کوردستان هیوای خواست لێکۆڵینەوەو ئەنجام دانی کۆنفرانسەکە جێگەی ڕەزامەندی ئامادەبووان بێت.پاشان لە لایەن بەڕێز سەرۆکی ئەنجوومەنی ئەمیندارێتی زانکۆوە پێشانگای فۆتۆگرافی کە تیاییداکاروچالاکێکانی زانکۆی لە ماوەی ٦ ساڵی ڕابوردودا تیایدا نمایش کرابوو کرایەوەو گەورە بەرپرسان و میوانانیش بە یاوەری بەڕێز د.عەلی قەرەداغی و د.مەریوان ئەحمەد ڕەشید پێشانگاکەیان بەسەر کردەوە"كۆنفراسەكە ماوەی دوو ڕۆژ دەخایەنێ‌ و تێیدا 116 توێژینەوەی زانستی لە بوارەكانی زمان و ئەدەبی ئینگلیزی و عەرەبی ، ئابووریی ، كارگێڕیی ، یاسا ، زانستە رامیارییەكان ، تەكنۆلۆژیای زانیاریی پێشكەش دەكرێن.لە كۆنفراسەكەدا جگە لە نوێنەری زانكۆكانی هەرێم و عێراق ، نوێتەرو توێژەرانی زانكۆكانی بریتانیا ، یابان ، ئیمارات ، قەتەر ، سودان، ئێران ، هیندستان ، لوبنان ، بەحرەین و دەیان كەسایەتی زانستی گەورە لە ناوخۆ و وڵاتی جیهانەوە بەشدارن.