مامۆستایان و خوێندكارانی كۆلێجی زمان رۆژێكی جیاوازیان بەڕێكرد
Search

مامۆستایان و خوێندكارانی كۆلێجی زمان رۆژێكی جیاوازیان بەڕێكرد


2016-10-31 (الاثنین) [ کلیة اللغات ]

ئەمڕۆ دووشەممە، ٣١ی تشرینی یەكەمی ٢٠١٦، بە ئامادەبوونی بەڕێز پ. د. مەریوان ئەحمەد رەشید (سەرۆكی زانكۆی گەشەپێدانی مرۆیی) و ئەندامانی ئەنجومەنی زانكۆ و ژمارەیەكی بەرچاو لە مامۆستایان و خوێندكارانی زانكۆ، كۆلێجی زمان، ئاهەنگێكی ناوازەی سازكرد بە بۆنەی بەدەستهێنانی پلەی یەكەم لە لایەن زانكۆی گەشەپێدانی مرۆیی لە ریزبەندی نیشتمانی زانكۆكانی هەرێمی كوردستان. لە سیما هەرە جیاوازەكانی ئاهەنگەكە ئاوێتەبوونی رۆڵی مامۆستایان و خوێندكارانی كۆلێج بوو لە ئامادەكردن و رێكخستن و راپەڕاندنی ئەو چالاكیە ناوازەی كە سیمبوڵێكی زیندووی خۆشەویستی نموونەیی مامۆستایان و خوێندكاران بوو بۆ زانكۆكەیان. ئەوان بە دەنگ، بە رەنگ، بە چالاكی، بە جۆشدانیان بە ئاهەنگەكە، ترۆپكی خاوەندارێتیان بۆ زانكۆ دووپات دەكردەوە. چالاكیەكە كورتە ڤیدیۆ و شیعر و موزیك و كورتەشانۆ و سلایدی پڕزانیاری جۆراوجۆر و سەرنجڕاكێش و خەندەئامێزی لەخۆگرتبوو كە سەرجەمیان لە لایەن خوێندكاران و مامۆستایانەوە ئامادەكرابوون. هەر لە ئاهەنگەكەدا لە رێگەی چەندین كاری هونەری جوانەوە باس لە هەر حەوت پێوەرە سەرەكیەكە كرا كە بونە هۆی یەكەمبوونی زانكۆكەكان. ئاهەنگەكەی ئەمڕۆ هێندە مایەی رەزامەندی ئامەدەبووان بوو، تا ئەو رادەیەی بەڕێز سەرۆكی زانكۆ لە وتارە كاریگەرەكەیدا دەستخۆشی تایبەتی ئاراستەی مامۆستایان و خوێندكارانی كۆلێجی زمان كرد و هیوای خواست كە سەرجەم چالاكیەكان لە بەرزی و نایابی و كاریگەریدا هاوشێوەی ئاهەنگەكەی ئەمڕۆ و چالاكیە بەردەوامەكانی كۆلێجی زمان بن. لە وتەیەكدا، بەڕێز پڕۆفیسۆری یاریدەدەر د. رەئوف كەریم (راگری كۆلێجی زمان) وێڕای سوپاسكردنی هەموو لایەك بۆ سەرخستنی ئەو كارە ناوازەیە، رایگەیاند كە دەست دەكرێت بە پڕۆژەیەكی گەورەی دیكە تایبەت بە منداڵی پێشمەرگە شەهیدەكانی جەنگی روبەڕووبونەوەی تیرۆر و پاڕێزگاریكردن لە خاك و خەڵكی كوردستان. لە پاش ئاهەنگەكە، بەڕێز سەرۆكی زانكۆ هەستا بە كردنەوەی چالاكیەكی دیكەی خوێندكارانی كۆلێجی زمان كە بریتی بوو لە وێنەی كۆی چالاكیەكانی زانكۆ و كۆلێج لە شێوەی دڵێك و درەختێكی گەورەدا، هاوكات كردنەوەی كتێبخانەی (مۆڕاڵ) كە لە لایەن ژمارەیەك خوێندكاری كۆلێجەوە بە دیاری دروستكراون و لە لایەن مامۆستایان و خوێندكارانەوە دەیان كتێبی تێدا دانراوە تا خوێندكار راستەوخۆ و بێ چاودێر كتێب ببات و بیخوێنێتەوە و بیگەڕێنێتەوە.

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development

uhd.edu.iq : University of Human Development