زمانی من جیهانی من
Search

زمانی من جیهانی من


2018-12-19 (الاربعاء) [ کلیة القانون و السیاسة ]

به‌سه‌رپه‌رشتی دڵنیایی جۆری کۆلیجى یاساو ڕامیارى سيمينارێك بە ناونیشانى (زمانی من جیهانی من) پێشكه‌ش كرا.

uhd.edu.iq : زانکۆی گەشەپێدانی مرۆیی

ڕۆژی چوارشه‌ممه كاتژمێر یه‌كی پاش نێوه‌رۆ به‌رواری ١٩ \١٢\٢٠١٨ به‌ئامادەبوونى به‌شێك له ‌مامۆستایانى زانكۆ ومامۆستایانی كۆليج لە هۆڵی 128ى ته‌لاری C ‌ زانكۆی گه‌شه‌پیـَدانی مرۆیی له‌ چوارچێوه‌ی سیمینارێكدا و گفتوگۆو له‌ سه‌ر (زمانى من جيهانى من) له‌ لایه‌ن به‌رێز تحسین حمه‌ غریب مامۆستا له‌ به‌شی یاسا كرا.

uhd.edu.iq : زانکۆی گەشەپێدانی مرۆیی

له‌م سیمیناره‌دا مامۆستای ناوبراو باسى له  گەورەترین  داھێنان كرد لە فەلسەفەی زماندا كه‌ بریتییە لەوەی کە  زمان تەنھا ئامرازێک نییە بە دەست مرۆڤەوە بۆگەیاندنی  بابەتەکانی بەلکو بۆ مرۆڤ زمان جیھانێکە تێیدا دەژی .

دیکارتی    فەیلەسوف دەیووت  ئەو شتەی ناتوانی بیری لێبکەیتەوە بێەنگی  بەرامبەر ھەڵبژێرە.

ڤینگشتاینی فەیلەسوفیش دەیووت: ئەو شتەی  ناتوانی بیڵێی بێدەنگی دەربارە ھەڵبژێرە،  واتە ھەرگیز ناتوانی بیری لێبکەیتەوە و وێنای   بکەیت .

 کانتی  فیلەسوفیش  دەیووت، شەرمە   بۆ فەیلەسوفەکان ھەتا  ئێستاش نەیانتوانیوە بوون و گەردوون بناسن،  ئێمە تەنھا لەگەڵ دیاردەکانی گەردووندا مامەڵە دەکەین  نەوەک لەگەڵ لەگەڵ خودی گەردووندا . ئەم بابەتەش بۆ زمانیش   بە ھەمان شێوەیە کەس بوونی راستەقینەی زمانی نەناسیوە، ھیچ زمانێکیش لە ھیچ   زمانێک زمانتر نییە و ھەموو زمانەکان وەک یەک جیھانی قسەکەرانی ئەو زمانانەن.

باشلار  فەیلەسوفی بەناو بانگ  و فیزیازان و مامۆستای (فۆکۆ)  لە کتێبی جوانییەکانی شوێندا دەلێت بۆ  ھەستی جوانی ھەمیشە شوێنی یەکەم پێوەرە، من بۆخۆم  ھەر کتێبێکم خوێندبێتەوە باسی شوێن تێدا ھاتبێت ئەو شوێنەم   بیرکەوتۆتەوە کە یەکەم جار بینیومە. توانای بیرکردنەوە ی ھەر مرۆڤێکیش  پابەندی زمانی دایکییەتی.

نالی شاعیر  باسی ئەوە دەکات کە لە شیعری  تەجریدەکەیدا( تەجرید وەتە لە خۆت کەسێکی دیکە دروست بکەیت و  گفتوگۆی لەگەڵدا بکەیت) دەڵێت:

خۆشا رەندێ لە دونیا بێ  موبالات و موجەرەد بێ

بە رۆژ زیندەی جەماعەت بێ بەشەو مات و موجەرەد بێ

بە سورەت جەلوەتی، غەرقی  عەلایەق ھەروەکو خەڵقی

بە مەعنا خەلوەتی مەستی موناجات و موجەررەد بێ

ئیدی زمانی دایک  زمانی دەربرینی بابەتە وجودییەکانە

گەورەترین  ئازار ئەوەیە کە نەھێڵن   بە زمانی دایک دەرببردرێن

تەنانەت  ھەندێ لە فەیلەسوفەکان دەڵێن وەک  ئەوە وایە لە زینداندا بھێلرێتەوە نەھێلرێت بێتە دەرەوە

 ھەمیشە  شتە قوولەکان وەک   (شیعر) و (نزا )ی راستەقینە  بە زمانی دایک نەبێت دەرنابردرێن

بابەتەکە  ئەوەیە بەو زمان نەبێت  مرۆڤ ناتوانێت بگاتە ئاستی داھێنان.  

ھەر  لێرەدا جیاوازی  ھەیە لە نێوان (بیر)  و (بیرکردنەوە)دا، مرۆڤ بیرێک   لە زمانێکی دیکەوە وەردەگرێت بەلام تەنھا  بەزمانی خۆی بیر دەکاتەوە

بۆیەگرنگە   مرۆڤ زمانی دووەم  قێر بێت، بەلام نەشیاوە مرۆڤ زمانی دووەم  لە باتی زمانی یەکەم دابنێت.

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی