لە زانکۆی گەشەپێدانی مرۆیی مەراسیمی ماتەمینی بۆ هەردوو خویندکار ( ڕابەر حسێن ) و ( سیڤەر ئەنوەر ) لە کۆلێجی کارگێڕی و ئابوری بەرێوەچوو
Search

لە زانکۆی گەشەپێدانی مرۆیی مەراسیمی ماتەمینی بۆ هەردوو خویندکار ( ڕابەر حسێن ) و ( سیڤەر ئەنوەر ) لە کۆلێجی کارگێڕی و ئابوری بەرێوەچوو


2017-04-01 (البست) [ کلیة الادارة و الاقتصاد ]

ڕۆژی سێشەممە بەرواری ٢٠١٧/٢/٧ لە هۆڵی پرۆفیسۆر د.عەلی قەرەداغی لە زانکۆی گەشەپێدانی مرۆیی بە ئامادەبوونی ڕاگری کۆلێج و مامۆستایان و خوێندکاران ، وەک وەفایەک بۆ کۆچی دوایی هەردوو خویندکار ( ڕابەر حسێن ) لە قۆناغی چواری کارگێڕی کار و ( سیڤەر ئەنوەر ) خوێندکاری قۆناغی چواری دارایی و بانکی ئێواران مەراسیمێکی شایستە بەڕێوە چوو ، لە مەڕاسیمەکەدا وتەی ڕاگری کۆلێج بەڕێز ( د.موحسین ئیبراهیم ) پێشکەش کرا کە ئاماژەی کرد بۆ دڵ گرانی ڕاگرایەتی و مامۆستایانی کۆلێج بۆ لەدەست دانی ئەم دوو خوێندکارە کە لە ڕووی زانستی و کەسایەتییەوە زانکۆ بەرز دەینرخاندن . دواتر ووتەی یەکەی کاروباری خوێندکاران و نوێنەری هاوڕێیانی کۆچ کردوو پێشکەش کرا ، هەروەها لە لایەن هاوڕێی کۆچ کردووانەوە هونەرمەندی شانۆکار بەڕێز(عوسمان مەعروف) نمایشێکی کورت پێشکەش کرا ، دوای دانانی چەپکە گوڵی ڕێز و وەفا لە کەشێکی پڕ لە هاوسۆزی و دڵ گەرمیدا بە خوێندنی سورەتی فاتیحەو دوعا بۆ کردن کۆتایی بە مەراسیمەکە هات .