بەشی تەكنەلۆجیای زانیاری جامی یەكەمیی بردەوە و قۆناغی دووەمی بەشی ئینگلیزی بووە دووەمی پاڵەوانێتی بەشەكانی زانكۆی گەشەپێدانی مرۆیی
Search

بەشی تەكنەلۆجیای زانیاری جامی یەكەمیی بردەوە و قۆناغی دووەمی بەشی ئینگلیزی بووە دووەمی پاڵەوانێتی بەشەكانی زانكۆی گەشەپێدانی مرۆیی


2018-04-05 (الخمیس) [ کلیة اللغات ]

ئەمڕۆ پێنج شەممە، ٥ ی نیسانی ٢٠١٨، لە میانەی خولی پاڵەوانێتی بەشەكانی زانكۆی گەشەپێدانی مرۆیی بۆ تۆپی پێ كە یەكەی كاروباری خوێندكارانی زانكۆ ساڵانە رێكی دەخات و، لە یاری كۆتایی خولەكەدا هەردوو بەشی ئینگلیزی بەیانیان (كۆلێجی زمان) و تەكنەلۆجیای زانیاری (كۆلێجی زانست و تەكنەلۆجیا) لە یاریەكی بەهێزدا بەیەك گەیشتن. گێمی یەكەمی یاریەكە بە دوو گۆڵ لە بەرژەوەندی بەشی ئینگلیزی تەواوبوو بەرامبەر بە یەك گۆڵ بۆ بەشی تەكنەلۆجیای زانیاری. دواتر لە گێمی دووەمی یاریەكە، خوێندكارە یاریزانەكانی بەشی تەكنەلۆجیای زانیاری توانیان دوو گۆڵ تۆماربكەن و، بەو شێوەیەش پێش بەشی ئینگلیزی بكەون تا لە كۆتایی یاریەكەدا و، لە خولەكی دووەمی كاتی زیادكراودا، بەشی ئینگلیزی گۆڵی سێهەم و یەكسانبوونی تۆماركرد. بەو شێوەیەش كاتی ئاسایی یاریەكە بە سێ گۆڵ بۆ هەردوولا كۆتایی هات. دواتر لە رێگەی لێدانی یەكلاكەرەوە ئەنجامی یاریەكە لە بەرژەوەندی بەشی تەكنەلۆجیای زانیاری كۆتایی هات و، بوونە پاڵەوانی خولەكە. لە پاش یاریەكە و لە مەراسیمی دابەشكردنی مەدالیا و جامی خولەكە بە سەر خوێندكارە یاریزانەكانی هەردوو بەشی تەكنەلۆجیای زانیاری و زمانی ئینگلیزی، بەڕێز پڕۆفیسۆر دكتۆر مەریوان ئەحمەد رەشید، سەرۆكی زانكۆی گەشەپێدانی مرۆیی، پیرۆزبایی خۆی و ئەنجومەنی زانكۆی ئاراستەی یاریزانەكان كرد و، ئاماژەی بە گرنگیپێدانی زانكۆی گەشەپێدانی مرۆیی كرد بە چالاكیەكانی دەرەوەی پۆل و بە تایبەتی چالاكیە وەرزشیەكان شانبەشانی بەهەندوەرگرتنی بەرزی ئاستی زانستی خوێندكاران. هاوكات بەڕێزیان خۆشحاڵی خۆیان دەربڕی بە بەرزی ئاستی یاریزانانی هەردوولا و، جەختی لەسەر ئەوە كردەوە كە دەتوانن، شانبەشانی یاریزانە لێهاتووەكانی بەش و قۆناغەكانی دیكە هەڵبژاردەیەكی بەهێز بە ناوی زانكۆی گەشەپێدانی مرۆیی رێكبخەنەوە و ئەمساڵیش بەشداربن لە هەر پاڵەوانیەتێك كە بۆ هەڵبژاردەی زانكۆكان رادەگەیەنرێت. لای خۆشیەوە، دكتۆر رەئوف كەریم مەحمود (راگری كۆلێجی زمان) وێڕای پیرۆزبایی لە خوێندكارانی بەشی تەكنەلۆجیای زانیاری و بەشی ئینگلیزی بۆ بەدەستهێنانی پلەی یەكەم و دووەم، بە گرنگی باسی لە ئاوێتەبوونی بەرزی ئاستی یاریكردنی خوێندكارەكان و بەرزی هەڵسوكەوت و رەوشت و رۆحی وەرزشیان كرد لە نێو یاریگاكەدا و لە كاتە هەستیارەكانی یەكلاكردنەوەی ئەنجامەكان، بە جۆرێك كە بە درێژایی ماوەی یاریەكە هیچ جۆرە گرژیەك و ئازارێك نە بە گوفتار و نە بە كردار لە نێوان خوێندكارە یاریزانەكاندا رووی نەدا و، هەمووان بە گیانێكی هاوڕێیانە و برایانە پیرۆزباییان لە یەكدی كرد. شایانی باسە لە ماوەی خولەكانی ساڵانی رابردوودا، سێ ساڵ بەشەكانی كۆلێجی زمان نازناوی یەكەمی خولی تۆپی پێی قۆناغ و بەشەكانی زانكۆیان بەدەستهێناوە و، ئەمساڵیش، وێڕای بەهێزی تیپە بەشداربووەكان كە ژمارەیان سی و چوار تیپ بوو لەسەر ئاستی قۆناغەكانی بەشەكان، قۆناغی دووەمی بەشی ئینگلیزی كۆلێجی زمان توانی پلەی دووەم بەدەست بهێنێت.

uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی