بەشدارانی پرۆگرامی پەرەپێدانی تواناكان بڕوانامەیان پێ بەخشرا
Search

بەشدارانی پرۆگرامی پەرەپێدانی تواناكان بڕوانامەیان پێ بەخشرا


2018-02-22 (الخمیس) [ جامعة التنمية البشرية ]

سەرلەبەیانی ئەمڕۆ پێنج شەممە 22/2/2018 لە رێوڕەسمێكی تایبەت و بە ئامادەبوونی بەڕێز پڕۆفیسۆر د. مەریوان أحمد رەشید سەرۆكی زانكۆو ئەندامانی ئەنجوومەنی زانكۆ، بڕوانامەی بەشداری بەخشرایە خوێندكارانی بەشداربوو لە پرۆگرامی پەرەپێدانی تواناكان.
سەرەتای ڕێوڕەسمەكە بەڕێز مامۆستا بڕوا سەرپەرشتیاری پرۆگرامەكە وتەیەكی پێشكەشكردو مەبەست و ناوەڕۆكی پرۆگرامەكەی خستە ڕوو.
دواتر بەڕێز پڕۆفیسۆر د. مەریوان أحمد رەشید سەرۆكی زانكۆی گەشەپێدانی مرۆیی وتەیەكی پێشكەش بە ئامادەبووان كرد، بەڕێزیان لە وتەكەیدا ئەوەی خستە ڕوو كە زانكۆی گەشەپێدانی مرۆیی هەر لە سەرەتای دامەزراندنییەوە هەڵگری ناوی گەشەپێدان بووە، لەم بوارەشدا ناوو ناوەڕۆكی یەكخستووەو هەمیشە هەوڵی ئەوەی داوە كە خوێندكارانی جیاواز بن لە خوێندكارانی زانكۆكانی دیكە.
هەر لە وتەكەیدا بەڕێز سەرۆكی زانكۆ ئاماژەی بەوە كرد كە ئەم پرۆگرامەش یەكێكە لەو پرۆگرامانەی زانكۆ بۆ خزمەتی خوێندكارانی بەشداری تیادا كردووە، پرۆگرامەكە لە لایەن حكومەتی هەرێمی كوردستانەوە سەرپەرشتی دەكرێت و زانكۆكان تیایدا هەماهەنگی لەگەڵ كۆمپانیاكان و بازاڕی كار دەكەن بۆ پەرەپێدان بە توانای كرداری خوێندكاران. هەر بۆیە جێی خۆیەتی سوپاسی مامۆستای سەرپەرشتیاری پرۆگرامەكە و كۆمپانیاكان بكەین بۆ هاوكاری و هەماهەنگییان.
دواتر و لە بڕگەی كۆتایی رێوڕەسمەكەدا سەرۆكی زانكۆ بڕوانامەی بەخشییە سەرجەم خوێندكارانی بەشداربوو.

بۆ بینینی سەرجەم وێنەكانی رێوڕەسمەكە كلیك لێرە بكە

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی