به‌شی زانسته ‌ڕامیارییه‌كانی کۆلێجی ياساو ڕامیاری پانێڵێك ڕێکدەخات
Search

به‌شی زانسته ‌ڕامیارییه‌كانی کۆلێجی ياساو ڕامیاری پانێڵێك ڕێکدەخات


2018-02-19 (الاثنین) [ کلیة القانون و السیاسة ]

هه‌ڵبژاردنه‌كانی هه‌رێم وعێراق (2018)، ئاسته‌نگ و گۆڕانكاریه‌كان

ڕۆژی دووشه‌ممه‌ کاتژمێر سێی پاش نیوه‌رۆى 19-2-2018 کۆلێجی ياساو ڕامیاری زانکۆى گەشەپێدانى مرۆیى له‌ چوارچیوه‌ی چالاكیه‌كی هه‌ردوو قۆناغی سێیه‌م وچواره‌م له‌ به‌شی زانسته‌ رامیارییه‌كان، به‌ ئامادەبوونى به‌شێك له‌ مامۆستایانى كۆلیج و خوێندكارانی هه‌ردوو قۆناغی ناوبراو لە هۆڵی هونه‌ر سورچی / کەمپى بنارى کۆیژە پانیڵیك بە ناونیشانى (هه‌ڵبژاردنه‌كانی هه‌رێم وعێراق (2018)، ئاسته‌نگ و گۆڕانكاریه‌كان) پێشكه‌شكرا به‌ ئیداره‌ی م. طارق كاكه‌ره‌ش كه به‌م شێوه‌یه‌ خواره‌وه‌ بوو:-


  • 1. باسط عثمان: خوێندكاری قۆناغی چواره‌م: هاوپه‌یمانه‌تیه‌كانی پێش هه‌ڵبژاردن عیراق:
    ھەڵبژاردنەکانی داھاتووی پەرلەمانی عێراق کە بڕیارە ١٢/٥/٢٠١٨ ئەنجام بدرێت ، جیاواز دەبێت لەو ھەڵبژاردنانەی لە (١٤) ساڵی ڕابردوودا ئەنجام دراون ، کە پێک ھاتەی حیزب و ھاوپەیمانیەکان لە چوارچێوەی قەومی و مەزھەبی دا دەخولانەوە ، بەڵام ئەمجارە گۆڕانکاری ڕێژەیی تێدا ڕوویداوە .
    گرنگی تایبەتی خۆی ھەیە چونکە لە لایەکەوە لە دوای کۆتایی ھاتنی دەوڵەتی ئیسلامی یەوە (داعش ) ئەنجام دەدرێت و لە لایەکی دیکەشەوە دەوڵەت زل ھێزەکان گرنگی تایبەتی پێ دەدەن بەھۆی ئەوەی ھەندێک لە دەوڵەتە زلھێزەکان ھەستەکەن ئاسایش لە عێراق نامێنێت و ئەیانەوێت ئاسایش بۆ عێراق بگەڕێتەوە و بەرژەوەندیەکانیان نەکەوێتە مەترسیەوە .
    لە ئێستادا عێراق بە پرۆسەیەکی سیاسی ئاڵۆزدا تێدەپەڕێت و ھەمموو ئەگەرەکان کراوەن کە عیراق لە دوای ھەڵبژاردنەکانەوە لە ڕووی سیاسی و ئابووری و سەربازیەوە بە چ ئاڕاستەیەکدا بڕوات 
    بۆیە ئەو ھاوپەیمانیانەی کە ئێستا پێکھێنراون و دروست کراون کاریگەری گەورەی دەبێت لەسەر دۆخی سیاسی عێراق وە کاریگەری دەبێت لەداھاتشدا دۆخی عێراق بە چ ئاڕاستەیەکدا دەڕوات
    ھاوپەیمانی (النصر): حیدر عبادی سەرۆک وەزیرانی ئێستای عێراق سەرۆکایەتی دەکات لە کۆمەڵێک کەسایەتی سیاسی سەربەخۆ و کۆمەڵێک کیاناتی سیاسی پێک ھاتووە ، گرنگترین سەرکردەکانی (خالد العبیدی) وەزیری دیفاعی پێشوو .
    ھاوپەیمانێتی ( دولە قانون (: بەسەرۆکایەتی نوری مالیکی , لەگرنگترین کەسایەتیەکان کەبەژدارن لەم ھاوپەیمانیەتیەدا:قيس الخزاعى ,محمد ھنداوی , موفق روبیعی , حمد یاسر محسن, یاسر عبدالسخیل, محمد عبد سادە ,........
    ھاوپەیمانی الفتح: بەلیستی حەشدی شەعبی ناسراوە ، زۆربەی ڕێکخراوە کاریگەرەکانی حەشد لەخۆ دەگرێت . وەک (ڕێکخراوی بەدر، عێائب اھل الحق ، بەسەرۆکایەتی قیس الخز علی ، سەرایای خۆراسانی ، حزبوڵای عێراق ، سەیدول شوھەدا ، ئەنجومەنی باڵای ئیسلامی بەسەرۆکایتی ھومامە حەمودی ، سیاسەتمەدار ئیبراھیم بەحر علوم ھەروەھا ئەکرەم ئەلکەعایب سەرکردەی ھێزی نوجابە .
    ھاوپەیمانی (سائرون ): سەرکردەی تیاری صدر (مقتدا صدر ) پێکی ھێناوە 
    ھاوپەیمانی (نیشتمانی): (ئەیاد علاوی ) سەرکردایەتی دەکات کە شیعەیەکی لیبراڵە ، ھەندێک لە سەرکردەی گەورەی سونەی تێدایە لەوانە (سلیم جبوری سەرۆکی حیزبی الاسلامی عێراق و سەرۆکی پەرلەمانی ئێستا ، ێالح مگلق سەرۆکی قائمەی العربیە و جێگری سەرۆک وەزیرانی پێشوو . 
    التحالف القرار العراقی: ئوسامە نوجێفی سەرۆکایەتی دەکات ھاوپەیمانیەتیەکی سونی مەزھەبە نزیکەی (١٦) پارت و ڕەوت لەخۆی دەگرێت لەگەڵ ھەندێک لەکەسایەتیە سیاسیە دیارەکان لەگەڵ ھەندێک لەسەرۆک ھوزە عەشائیرەکان.
    ھاوپەیمانی (نیشتمانی): ھەرسێ لایەنی بزوتنەوەی گۆڕان و کۆمەڵی ئیسلامی و ھاوپەیمانی بۆ دیموکراسی و دادپەروەری لە خۆدەگرێت .
    -یەکیەتی بەلیستی سەربەخۆ تا ئێستا بەشداری ھەڵبژاردنەکان دەکات .
    -یەکگرتووی ئیسلامی بەلیستی سەربەخۆ بەشداری دەکات و بەجۆرێک یەکێک لە کاندیدەکان لە کەرکوک سەر بە بزوتنەوەی ئیسلامیە .
    -بەڵام لە ھەڵبژاردنەکانی ١٢/٥/٢٠١٨ وا چاوەڕوان دەکرێت ژمارەی کورسیەکان کەم بنەوە ، بەتایبەتی لە کەرکوک و ھەندێک لە ناوچە کێشە لەسەرەکان

  • 2. دیاری محمد: خوێندكاری قۆناغی چواره‌م: سيناريۆكانی دوای هه‌ڵبژاردن ورۆڵی هێزه‌ ده‌ره‌كیه‌كان
    لەگەڵ نزیکبوونەوەی ھەڵبژاردنەکانی ٢٠١٨ ئەگەری دووبارە ھەڵبژاردنەوەی عەبادی بۆ ویلایەتێکی تر ئاسان بووە وادەردەکەوێت وڵاتانی ھەرێمیء رۆژئاوایی پشتیوانیی ناوبراو بکەن بۆ خولێکی تر. بەتایبەت پاش سەرکەوتنی بەسەر داعشء سەندنەوەی ناوچەکانی ژێر دەستی ئەو رێکخراوە (دووبارە گێڕانەوەی کەرکووک بۆژێر دەسەڵاتی بەغدا) ئێستا بانگەشە بۆ دەوڵەتی دامەزراوەو رزگارکردنی دەزگاکانی حکومەت لەگەندەڵیء گێڕانەوەی عیراق بۆ پێگەی بەھێزی رابردووی. 
    لەگەڵ سووربوونی مالیکی بۆ دروستکردنی زۆرینەی سیاسی بۆ پێکھێنانی حکومەتی داھاتووی عیراق
    سەدریەکان لەعەبادٍی نزیکترن تا مالیکی بەتایبەتی پاش ئەو چاکسازیانەی عەبادی لەحکومەتدا ئەنجامی دا, لایەنە سونیەکان زیاتر پشتیوانی لە عەبادی دەکەن بەبەراورد بە مالیکی بەتایبەتی پاش ئەوەوی داواکاریی سونیەکانی لەپرۆژە بودجەی ئەمساڵدا بۆ ئاوەدانکردنەوەی ناوچە سونیە وێرانکراوەکان, ھەڵوێستی لایەنی کوردی ھێشتا روون نیە کەکام لەو بەرانە ھەڵدەبژێرێت بەھۆی پەرتەوازەیی لایەنە کوردیەکانء نەمانی قورسایی پێشوویان

ئەمریکاو رۆژئاوا لەگەڵ یەکپارچەیی خاکی عیراقدان و پشتیوانی لەعەبادی دەکات، ھەروەھا بەدوای شیعەیەکی میانڕەو دەگەڕێتء ئەمریکا زیاتر لەڕووی ئابورییەوە مەبەستیەتی کەپێگەی خۆی لەعیراق بەھێزبکات.
ئێران لەڕوووی زەمینییەوە مەبەستیەتی ھەیمەنەی خۆی فراوان بکات بۆ پرۆژەی شیعەگەریی خۆی، بۆئەو مەبەستەش پشتیوانی لەھێزەکانی حەشدی شەعبی دەکات ئەگەر بۆی بگونجێت لەگەلڕ ئەوەیە کەکەسێک جگە لەعەبادی ببێتە سەرۆک وەزیران، بەڵام لەبەدەستھێنانی زۆرینەدا وەکو ئەمری واقیع بۆ پاراستنی عیراق لەجەنگی نێوان لایەنە شیعیەکان عەبادی قبوڵ دەکات
سعودیەو تورکیا بەتایبەتی پاش سەردانەکانی عەبادی بۆئەو وڵاتانە پاشئەو رێکەوتنە ئابوریانەی لەگەلڕ ئەو وڵاتانە ئیمزای کردن، رازین بەدووبارە دانانەوەی عەبادی وەک سەرۆکوەزیران.


3.شوانه‌ محمد: خوێندكاری قۆناغی سێیه‌م:هاوپه‌یمانه‌تیه‌كانی پێش هه‌ڵبژاردنی هه‌رێم:
لەدوای راپەڕینی بەهاری ساڵی 1992، تا ئێستا چوار هەڵبژاردن بۆ پەرلەمانی هەرێمی کوردستان ئەنجامدراوە، لەو هەڵبژاردنانەدا لیستی جیاواز بەشدارییان تێداکردوە... یەکەم هەڵبژاردنی پەرلەمانی کوردستان لە 19ی ئایاری 1992 بەڕێوەچوو، لەو هەڵبژاردنەدا 7 لیستی جیاواز بەشدارییان تێداکرد. کورسییەکانی ئەو کاتی پەرلەمانی کوردستان، کە 105 کورسی بوو، بەسەر چوار لیستدا دابەشبوو، بەشێوەیەک هەر یەک لە پارتی دیموکراتی کوردستان و یەکێتی نیشتمانی کوردستان هەر یەک 50 کورسی بەدەستهێنا و لیستی بزووتنه‌وه‌ی ئاشووری 4 کورسی و لیستی یه‌كگرتووی مه‌سیحیه‌كانی كوردستان یەک کورسی بەدەستهێنا. بەهۆی شەڕی ناوخۆی هەرێمی کوردستانەوە، بۆ ماوەی چەند ساڵێک هیچ هەڵبژاردنێکی گشتیی بۆ پەرلەمانی کوردستان ئەنجام نەدرا، تا لەساڵی 2005 هەڵبژاردن بۆ خولی دووەمی پەرلەمان ئەنجام درا. کوردستان ئەنجامدرابا.... ئەو قەوارانەی کە بۆ هەڵبژاردنی ۱/۱۱/۲۰۱۷ کە لەکۆمسێۆن تۆمارکرابوون ۲۱ قەوارەی سیاسین کێبڕکێ دەکەن بۆ بردنەوەی ۱۱۱ کورسی پەرلەمان کە ئەمانە بوون... ۱-لیستی هاوپەیمانی بۆ دیموکراسی و دادپەروەری ۲-پارتی دیموکراتی کوردستان ۳-بزووتنەوەی گۆڕان ٤-یەکیتی نیشتیمانی کوردستان ٥-یەکگرتووی ئیسلامی کوردستان ٦-حزبی زەحمەتکێشانی کوردستان ۷-لیستی نەوەی نوێ ۸-کۆمەڵی ئیسلامی کوردستان ۹-حزبی شیوعی کوردستان ۱۰بزووتنەوەی ئیسلامی کوردستان ۱۱-حزبی سۆسیالیست دیموکراتی کورستان ۱۲-پارتی کرێکاران و ڕەنجدەرانی کوردستان ۱۳-حزبی دیموکراتی بیت نهرین ۱٤-پارتی پارێزگارانی کوردستان ۱٥-قەوارەی سیاسی تاک ئەرمەن (ئارام برزۆ حەمۆ) ۱٦-قەوارەی سیاسی تاک ئەرمەن(ئۆبار سیپان غەریب) ۱۷-حزب الایزیدی الدیموقراتی ۱۸-پارتی چاکسازی تورکمانی ۱۹-ئەنجومەنی گەلی کلدانی و ئاشوری ۲۰-پارتی نیشتیمانی ئاشوری ۲۱-بزووتنەوەی دیموکراتی تورکمانی لەکوردستان بەڵام پەرلەمانی کوردستان لە دانیشتنی رۆژی (٢٤/١٠/٢٠١٧) لەدانیشتنی ئاسایی خۆی بڕیاریدا ماوه‌ی كاركردنی بۆ دوو خولی گرێدانی په‌رله‌مانی درێژ بکاتەوە. بەگەرانەوە بۆ پەیرەوەی ناوخۆی پەرلەمان ماددە (٥/١: ماوەی یەک خول چوار مانگ دەخایەنێت) دوو مانگیش پشووی پەرلەمانەواتە (۱۰) مانگی داهاتوو هەڵبژاردن ئەنجام دەدرێت.... هەرچەندە حکومەت و پەرلەمان و کۆمسێۆن لە ٦/۲/۲۰۱۸ لە بینای پەرلەمان کۆبونەوەو و نەگەیشتنە هیچ ڕێکەوتنێک بۆ دیاریکردنی ڕۆژێک بۆ هەڵبژاردنی پەرلەمان ،دوا وادەش بۆ کۆتای هاتنی ماوەی درێژکراوە ٦/۹/۲۰۱۸ یە .... پێشبینی بۆ ڕوودانی هەوپەیمانیەتی لەنێوان قەوارە سیاسیەکانی هەرێمی کوردستان... هەرچەندە بەپێی تۆماری لیستی قەوارەکان بێت ،هیچ لستێکی هاوپەیمانی نێوان لیستەکانی تێدانیە و ئەنجامی کۆتای هەڵبژاردنەکانی عێراقیش کاریگەری دەبێت لەسەر لێک نزیک بوونەوەی لایەنەکان بۆ هاوپەیمانیەتی چ پێش هەڵبژاردن بێت وەک لیست یان دوای هەڵبژاردن بۆ پێکهێنانی حکومەت ،چونکە بەپێی ئەنجامی تەواوی خولەکانی هەڵبژاردن بێت هیچ حزبێک بەتەنیا نەیتوانیوە حکومەت پێک بهێنێ بەبێ هاوپەیمانی کردن..... پێشبینی دەکرێت پێش هەڵبژاردنەکان ئەو پارت و لایەنانە هاوپەیمانی پێکبێنن ،وە ئەگەرێکیش هەیە ،یەکیتی و پارتی تعدیلی یاسای هەڵبژاردنەکان بکەن ،یاساکە بگۆڕن بۆ یاسای لیستی داخراو، هاوپەیمانیەکان بۆ هەڵبژاردنەکانی خولی پێنجەمی پەرلەمانی کوردستان.....


١- یەکیتی و پارتی وهەندێ لایەنی تر هاوپەیمانی پێکبێنن بۆ مانەوە لە دەسەڵات.
۲- هاوپەیمانی بۆ دیموکراسی ودادپەروەری وبزووتنەوەی گۆڕان وکۆمەڵی ئیسلامی .هاوپەیمانی پێکدێنن،وەک بۆ هەوڵدان بۆ جێگرەوەی دەسەڵات..
۳- یەکگرتووی ئیسلامی و بزووتنەوەی ئیسلامی هاوپەیمانی پێکدێنن .. وەک لستێکی ئیسلامی
٤- حزبی شیوعی کوردستان و حزبی سۆسیالیست و حزبی زەحمەتکێشان و پارتی کرێکاران و ڕەنجدەرانی کوردستان هاوپەیمانی پێکدێنن وەک لیستێکی چەپ لە کوردستان
٥- تورکمانەکان پێدەچێت لستێکی هاوپەیمانی پێکبێنن وەک چۆن بۆ هەڵبژاردنی ئەنجومەنی نوێنەان لە کەرکوک پێکیان هێناوە .... ئەوە کۆی پێشبینیەکان بوو بۆ هاوپەیمانیەکانی داهاتوی هەڵبژاردنی پەرلەمانی کوردستان...


4. رێبوار حسن.خوێندكاری قۆناغی سییه‌م:سیناریۆكانی دوای هه‌ڵبژاردن ورۆڵی هیزه‌ ده‌ره‌كیه‌كان و په‌یوه‌ندیه‌كانی هه‌ریم و به‌غداد 
بابه‌تی چواره‌م له‌ سڵایده‌كاندایه‌

 

uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی