سەرۆكی زانكۆ لەگەڵ مامۆستایانی كۆلێجی زانست كۆبوویەوە
Search

سەرۆكی زانكۆ لەگەڵ مامۆستایانی كۆلێجی زانست كۆبوویەوە


2018-01-23 (الثلاثاء) [ جامعة التنمية البشرية ]

لە چوارچێوەی كۆبوونەوەو دیدارەكانی سەرۆكی زانكۆ لەگەڵ كۆلێج و بەشەكانی زانكۆی گەشەپێدانی مرۆیی، رۆژی یەكشەممە 21/1/2018 بەڕێز پڕۆفیسۆر د. مەریوان احمد رەشید سەرۆكی زانكۆ لەگەڵ مامۆستایانی كۆلێجی زانست و تەكنەلۆجیا كۆبوویەوە.

لەو دیدارەدا سەرەتا بەڕێز سەرۆكی زانكۆ سوپاس و پێزانینی خۆی بۆ مامۆستایانی كۆلێجەكە دووپات كردەوە بەهۆی هەوڵ و ماندووبوونیان لەبەرەوپێش بردن و سەرخستنی كۆلێجەكەو بەشداری باشیان لە ڤیستیڤاڵە زانستییە ناوخۆیی و دەرەكییەكاندا.

لە بەشێكی تری دیدارەكەدا بەڕێز سەرۆكی زانكۆ داوای كرد لە مامۆستایان كە بەردەوام بن لە ئەنجامدانی توێژینەوەی زانستی و بەشداری لە گۆڤارە زانستییە جیهانییەكان و گرنگی تایبەت بەم بوارە بدەن، هەروەها بەڕێزیان جەختی كردەوە لە هەوڵی بەردەوامی زانكۆ بۆ بەشداری قوتابیان خوێندكاران لە راهێنانە نێودەوڵەتییەكان و بەشداریان لە چالاكییە زانستییە جۆراوجۆرەكاندا.

لە كۆتایی دیدارەكەشدا مامۆستایانی كۆلێج سوپاسی بەڕێز سەرۆكی زانكۆیان كردو ژمارەیەك پێشنیارو داواكارییان خستەڕوو بۆ زیاتر بەرەوپێش بردنی كۆلێج و گرنگیدانی زیاتر بە خوێندكاران.

 

uhd.edu.iq : زانکۆی گەشەپێدانی مرۆییuhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی