سەرۆكی زانكۆ پێشوازی لە كەسایەتی شاری سلێمانی شێخ كەریم شێخ نەجمەدین كرد
Search

سەرۆكی زانكۆ پێشوازی لە كەسایەتی شاری سلێمانی شێخ كەریم شێخ نەجمەدین كرد


2016-11-07 (الاثنین) [ جامعة التنمية البشرية ]

سەرلەبەیانی ئەمڕۆ دووشەممە 7/11/2016 بەڕێز پڕۆفیسۆر د. مەریوان احمد رەشید سەرۆكی زانكۆ بە ئامادەبوونی بەڕێز د. هیوا قەرەداغی یاریدەدەری سەرۆكی زانكۆ بۆ كاروباری كارگێڕی و دارایی، پێشوازی كرد لە كەسایەتی ناسراوی ناوچەی قەرەداغ و شاری سلێمانی شێخ كەریم شێخ نەجمەدین كە بە بۆنەی سەركەوتنە بەرچاوەكانی زانكۆو خزمەتەكانی زانكۆ بە ناوچەی قەرەداغ سەردانی زانكۆی كردبوو.
لە سەرەتای دیدارەكەدا بەڕێز سەرۆكی زانكۆ باسێكی لەسەر زانكۆی گەشەپێدانی مرۆیی و هەنگاوەكانی فراوان بوونی بۆ وەفدی میوان كرد.
پاشان بەڕێز شێخ كەریم پیرۆزبایی و دەستخۆشی لە زانكۆ كرد بۆ هەنگاوەكانی كاركردنی و بەتایبەت ئەو خزمەتانەی بە خەڵكی قەرەداغی كردووە، بۆیە بەڕێزیان لەو دیدارەدا بڕیاری دا كە چەند دیاریەك لەسەر ئەركی خۆی پێشكەش بە زانكۆ بكات، لەوانە دروستكردنی كوشكێك بۆ كافتریای خوێندكاران لەناو گۆڕەپانی زانكۆو هەروەها دابینكردنی چەند خزمەتگوزاریەكی دیكە بۆ خوێندكارانی زانكۆ.
لە كۆتایی دیدارەكەدا بەڕێز سەرۆكی زانكۆ لۆگۆی زانكۆی بەخشییە بەڕێزیان و سوپاسی ئەو هەڵوێستەی كردن.

uhd.edu.iq : زانکۆی گەشەپێدانی مرۆیی