ڕۆژێكی پڕ له‌ چالاكی بۆ خوێندكارانی زانۆكی گه‌شه‌پێدانی مرۆیی له‌ توركیا
Search

ڕۆژێكی پڕ له‌ چالاكی بۆ خوێندكارانی زانۆكی گه‌شه‌پێدانی مرۆیی له‌ توركیا


2017-08-21 (الاثنین) [ کلیة اللغات ]

له‌ درێژه‌ی گه‌شتی خوێندكارانی به‌شی ئینگلیزی، كۆلیژی زمانی زانكۆی گه‌شه‌پێدانی مرۆیی بۆ زانكۆی یوزونجی ئیلی له‌ شاری وان له‌ توركیا، ئه‌مڕۆ دووشەممە (٢١ی ئابی ٢٠١٧) خوێندكاره‌كان له‌لایه‌ن پڕۆفیسۆر د. په‌یامی باتاڵ سه‌رۆكی زانكۆی ناوبراوه‌وه‌ پێشوازیان لێكراو بۆ خوانی به‌یانی به‌یه‌كه‌وه‌ كۆبوونه‌وه‌. سه‌رۆكی زانكۆ ئاماده‌یی زانكۆكه‌یانی ده‌ربڕی بۆ هاوكاری و هه‌ماهه‌نگی له‌گه‌ڵ زانكۆی گه‌شه‌پێدانی مرۆیی و به‌ تیمه‌كه‌مانی راگه‌یاند كه‌ خوێندكارانی زانكۆی گه‌شه‌پێدانی مرۆیی ده‌توانن له‌ڕێگه‌ی پڕۆگرامی ئاڵوگۆڕی مه‌ولاناوه‌ داواكاری پێشكه‌ش بكه‌ن بۆ ته‌واوكردنی كۆڕسێك یان زیاتری خوێندنیان له‌ زانكۆی یوزونجو ئیلی، له‌به‌رامبه‌ردا خوێندكارانی زانكۆی ناوبراو كۆڕسێك یان زیاتر له‌ زانكۆی گه‌شه‌پێدانی مرۆیی بخوێنن.

دواتر خوێندكاره‌كانمان ئاماده‌بوون له‌ سیمینارێكی تایبه‌ت به‌ ناونیشانی (په‌ره‌پێدانی كه‌سایه‌تی) كه‌ له‌لایه‌ن د. محمد مه‌تین بارلیك-ه‌وه‌ به‌ زمانی ئینگلیزی پێشكه‌شكرا. له‌ سیمیناره‌كه‌یدا، د. محمد باسی له‌ هه‌نگاوه‌كانی په‌ره‌پێدانی كه‌سایه‌تی كردو ئاماده‌بووانی هاندا كه‌ سود له‌ كات وه‌رگرن و به‌ به‌رنامه‌ ڕێژیه‌وه‌ بژین، هه‌روه‌ها په‌ره‌ به‌ هه‌ستی مرۆیی و ووزه‌ی پۆزه‌تیف بده‌ین.

دوا نیوه‌ڕۆی هه‌مان ڕۆژ خوێندكاره‌كانمان به‌ سه‌رپه‌رشتی د. صابر حسن رسول سه‌رۆكی به‌شی ئینگلیزی زانكۆی گه‌شه‌پێدانی مرۆیی و م. چالاك غفور بڕیارده‌ری به‌ش سه‌ردانی كۆلیژی ئادابیان كردو له‌لایه‌ن پڕۆفیسۆر د. زه‌كی تاشتان ڕاگری كۆلیجی ئادابه‌وه به‌گه‌رمی‌ پێشوازیان لێكرا. د. زه‌كی به‌ كورتی پڕۆگرام و به‌شه‌كانی كۆلیجی ئادابی به‌ ئاماده‌بووان ناساند، له‌به‌رامبه‌ردا د. صابر حسن رسول به‌ كورتی مێژووی دامه‌زراندن و پڕۆگرام و به‌شه‌كانی زانكۆی گه‌شه‌پێدانی مرۆیی به‌ به‌ڕێزیان ناساند. له‌ دیداره‌كه‌دا د. زه‌كی ئاماده‌یی كۆلیجه‌كه‌یانی نیشاندا بۆ هاوكاری زانكۆی گه‌شه‌پێدانی مرۆیی و ڕایگه‌یاند كه‌ ده‌رگایان كراوه‌یه‌‌ بۆ خوێندكارانی زانكۆی گه‌شه‌پێدانی مرۆیی به‌ مه‌به‌ستی خوێندنی ماسته‌ر له‌و نۆ به‌شه‌كه‌ی له‌ كۆلیجه‌كه‌یاندا هه‌یه‌، له‌وانه‌ش زمان و ئه‌ده‌بی ئینگلیزی، توركی، مێژوو، سۆسیۆلۆجی، هتد.

پاشان تیمه‌كه‌ی زانكۆی گه‌شه‌پێدانی مرۆیی سه‌ردانی ماڵی پشیله‌كانیان كرد كه‌ جۆره‌ پشیله‌یه‌كی تایبه‌ت به‌ شاری وانی تێدایه‌ كه‌ بووه‌ به‌ هێمای ئه‌و شاره‌. ئه‌و پشیلانه‌ سپین و چاوێكیان سه‌وز و ئه‌ویتریان شینه‌.
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development
uhd.edu.iq : University of Human Development