لە كۆنگرەیەكی رۆژنامەنووسیدا بەڕێز پرۆفیسۆر دكتۆر عەلی قەرەداغی مژدە گرنگەكەی بۆ خوێندكارانی زانكۆ راگەیاند
Search

لە كۆنگرەیەكی رۆژنامەنووسیدا بەڕێز پرۆفیسۆر دكتۆر عەلی قەرەداغی مژدە گرنگەكەی بۆ خوێندكارانی زانكۆ راگەیاند


2013-03-05 (الثلاثاء) [ کلیة الادارة و الاقتصاد ]

uhd.edu.iq : زانکۆی گەشەپێدانی مرۆییدوای نیوەڕۆی ئەمڕۆ بەڕێز پرۆفیسۆر دكتۆر عەلی قەرەداغی سەرۆكی ئەنجومەنی ئەمینداریەتی زانكۆی گەشەپێدانی مرۆیی سەردانی زانكۆی كرد و لەگەڵ مامۆستایان و خوێندكارانی زانكۆدا كۆبوویەوە.سەرەتا بەڕێزیان لە كۆبوونەوەیەدا لەگەڵ مامۆستیانی زانكۆی گەشەپێدانی مرۆیی بە ئامادەبوونی سەرۆكی زانكۆو راگری كۆلێژەكانی زانكۆ، ئەوەی خستە روو كە زانكۆی گەشەپێدانی مرۆیی دوای ئەوەی لە پلەی زانكۆ یەكەمەكان هات لە ئاستی زانكۆ ئەهلییەكانی كوردستان بوویە مایەی دڵخۆشی هەموومان، بەڵام لە هەمان كاتیش ئەركی هەموومانی قورستتر كردووە كە دەبێت هەوڵی زیاتر بدەین بۆ پێشخستن و بەردەوام بوونی پێشەنگ بوونی زانكۆ. هەروەها بەڕێزیان ئەوەی خستە ڕوو كە ئەركی سەرەكیش لەم بوارەدا ئەكەوێتە ئەستۆی مامۆستیان و وانەبێژانی زانكۆ كە ئەوان بە هەوڵ و ماندووبوونی خۆیان بوونەتە هۆكاری سەركەوتنەكان و بەردەوام بوونی. بۆیە جێگای دەستخۆشییە و هیوادارین مامۆستایانمان هەمیشە لە زانستخوازیدا پێشەنگ بن و لە ئاستی ناوخۆو دەرەوەدا جێ دەستیان دیار بێت.پاشان بەڕێزیان دیداری لەگەڵ كۆمەڵێك خوێندكاری زانكۆ ئەنجام داو ئەوەی دووپات كردەوە كە ئەو هەمیشە خەمخۆری خوێندكاران بووە و ئێستاش ئەوەی لە توانایدا بێت بۆ هاوكاریان بۆ تێپەڕاندنی ئەم قەیرانە ئەنجامی دەدات. بۆیە جارێكی تر دووپاتی كردەوە كە لە دوای بڕیارەكەی وەزارەتی خوێندنی باڵا بۆ لێخۆشبوونی 15%  لە كرێی خوێندنی ئەمساڵ، ئێمە لای خۆمانەوە بڕیارمان داوە ئەو رێژەیە بەرز بكەینەوە بۆ  25%  و بیكەینە دیاریەك بۆ خوێندكارانمان و وەك هاندانێكیش بێت بۆ سەركەوتنی زیاتریان. لای خۆیانەوە خوێندكارانیش سوپاسی بەڕێز پرۆفیسۆر دكتۆر عەلی قەرەداغیان كردو هەڵوێستی نمونەیی و هاوكاری بەردەوامی بەرێیزیان بۆ زانكۆ بەرز نرخاند.

 

uhd.edu.iq : زانکۆی گەشەپێدانی مرۆیی

 

uhd.edu.iq : زانکۆی گەشەپێدانی مرۆیی