ئەنجومەنی بەشەکانی تەکنەلۆجیای زانیاری و زانستی کۆمپیوتەر کۆبونەوەی ئاسایی خۆیان ئەنجامدا
Search

ئەنجومەنی بەشەکانی تەکنەلۆجیای زانیاری و زانستی کۆمپیوتەر کۆبونەوەی ئاسایی خۆیان ئەنجامدا


2020-06-01 (الاثنین) [ کلیة العلوم والتكنولوجيا ]

سەرلە بەیانی ڕۆژی دووشەممە بەرواری ١-٦-٢٠٢٠ بە سەرپەرشتی مامۆستا ئومید حسن احمد سه‌رۆكی به‌شی ئای تی (IT) و مامۆستا مەزن ئیسماعیل غریب سه‌رۆكی به‌شی زانستی كۆمپوته‌ر (CS) و ئامادەبوونی مامۆستایان و موعیدە بەڕێزەکانی هه‌ردوو به‌شه‌كه‌ کۆبوونەوەی ئاسایی خۆیان ئەنجامدا .

سەرەتا سەرۆک بەشە بەڕێزەکان سوپاسی مامۆستایان و موعیدە بەڕێزەکانیان کرد کە لە ماوەی ڕابردوودا ماندوونەناسانە توانیان بە شیوەیەکی سەرکەتوو و دانەبڕاوانە بەردەوام بوون لە سەر ووتنەوەی وانەکانیان بە شیوەی ئۆنڵاین و بەردەوام لە هەماهەنگی و پەیوەندیدا بوون لەگەڵ خوێندکاران و په‌یڕه‌وی ڕێنماییه‌كانی وه‌زاره‌ت و سه‌رۆكایه‌تی زانكۆیان كردووه‌. سه‌ره‌ڕای گرنگی ته‌واو و زانستی به‌ پرۆژه‌كانی ده‌رچوونی سمستەری هەشتەم.

دواتر لە ژێر ڕۆشنایی ڕێنمایەکانی وەزارەت خوێندنی باڵا و توێژینەوەی زانستی و سه‌رۆكایه‌تی زانكۆ و ڕاگرایەتی کۆلێج و بە ڕاوێژ لەگەڵ ئەندامان و مامۆستایانی بەش ئەم خاڵانه‌ی خواره‌وه‌ تاوتوێ كران و ڕێو شوێنی تایبه‌ت گیرایه‌به‌ر :

یەکەم: هەڵسەنگاندنی (پڕۆژەی ده‌رچوون)ی خوێندکارانی سمستەری هەشتەم و شێوازی هه‌ڵسه‌نگاندنی پرۆژه‌كان و دیاریكردنی كات هه‌سه‌نگاندن. داوا كرا مامۆستایانی سه‌رپه‌رشتیار خوێندكاران له‌و باره‌یه‌وه‌ ئاگادار بكه‌نه‌وه‌ و ڕێ و شوێنی پێویست بگیرێته‌ به‌ر.

دووه‌م: پرسی نمره‌كانی (Prefinal Mark) تاوتوێ كراو داواكرا مامۆستایان (ئه‌وانه‌ی ته‌واویان نه‌كردووه‌) به‌ زووترین كات ئاماده‌ی بكه‌ن به‌پێی ئه‌و تێمپلەیته‌ی بۆیان نێرراوه‌.

سێیه‌م : دڵنیا بوون له‌و خوێندكارانه‌ی كه‌ (Reseat) ن له‌ هه‌موو سمسته‌ره‌كان و ته‌واو كردنی سه‌رجه‌م  ڕێكاره‌كانی نمره‌ی (Prefinal) و هه‌ڵسه‌نگاندنی كۆتاییان .

چواره‌م: گفتوگۆی تێر و ته‌سه‌ل سه‌باره‌ت به‌ به‌شدار و خۆ ئاماده‌كردنی مامۆستایان بۆ پرۆسه‌ی هه‌ڵسه‌نگاندنی كۆتایی و پابه‌ند بوون به‌ ڕێنماییه‌كانی سه‌رۆكایه‌تی زانكۆ و ڕاگرایه‌تی كۆلێج.

 

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی

uhd.edu.iq : زانکۆی گەشەپێدانی مرۆیی