ئەنجومەنی زانكۆی گەشەپێدانی مرۆیی كۆبووەوە
Search

ئەنجومەنی زانكۆی گەشەپێدانی مرۆیی كۆبووەوە


2020-03-25 (الاربعاء) [ جامعة التنمية البشرية ]

رۆژی چوارشەممە (٢٥ی ئازاری ٢٠٢٠)، ئەنجومەنی زانكۆی گەشەپێدانی مرۆیی بە سەرۆكایەتی بەڕێز سەرۆكی زانكۆ و ئامادەبوونی بەرێزان یاریدەدەرانی سەرۆكی زانكۆ و راگری كۆلێجەكان، بە ئۆنڵاین، كۆبوونەوەی خۆی گرێدا.

سەرەتا بەڕێز پرۆفیسۆر دكتۆر مەریوان ئەحمەد رەشید، سەرۆكی زانكۆی گەشەپێدانی مرۆیی، ئاماژەی بە هەستیاری دۆخەكە كرد و، هیوای خواست خەڵكی بە تەواوی پابەندی رێنماییەكان بن، بە تایبەتیش مامۆستایان و كارمەندان و خوێندكارانی خۆشەویستی زانكۆ تا بە هەموو لایەك هاوكار بین لە خێراكردنی هەنگاوەكانی تێپەڕاندنی ئەم تەنگژەیە.

دوواتر تەوەرەكانی كۆبوونەوەكە تاوتوێكران كە گرنگترینیان بریتی بوون لە جەختكردنەوە لەسەر پابەندبوونی زانكۆ بە رێنماییەكانی وەزارەتی خوێندنی باڵا و توێژینەوەی زانستی حكومەتی هەرێمی كوردستان. لەم نێوەندەشدا تاوتوێی دووایین ئامادەكاریەكانی زانكۆ كرا بۆ هەر رێكارێكی تایبەت بە دەستپێكردنەوەی پرۆسەی خوێندن. شایانی باسە، زانكۆی گەشەپێدانی مرۆیی پلاتفۆرمێكی پێشكەوتووی تایبەت بە خۆی دامەزراندووە و، ئامادەیە لە هەر كاتێكدا كە بڕیار بدرێت پرۆسەی خوێندن دەست پێبكاتەوە چ بە شێوەی ئۆنڵاین، یاخود بە كردنەوەی دەرگای زانكۆ، دەستبەجێ وانە بخوێنرێت، ئەمەش وەك دڵنیاییەك بۆ خوێندكارانی ئازیز كە ئامانجی سەرەكی زانكۆ بریتیە لە دڵنیابوونەوە لە تەواوكردنی پرۆسەی خوێندنی ئەمساڵ، تەریب بە پاراستنی تەندروستی مامۆستا و كارمەند و خوێندكارەكان.

لە بەشێكی دیكەی كۆبوونەوەكەدا، ئەنجومەنی زانكۆی گەشەپێدانی مرۆیی خۆشحاڵی دەربری كە لە نێو تیمەكانی روبەرووبونەوەی پەتای ڤایرۆسی كۆرۆنادا دەرچووی زانكۆی گەشەپێدانی مرۆییان تێدایە، هاوكات ئامادەیی مرۆیی و تەكنیكی زانكۆی دەربڕی بۆ هەماهەنگیكردن لەگەڵ دەزگا پەیوەندیدارەكان لە پرۆسەی بڵاوكردنەوەی هۆشیاری زیاتر لەسەر پابەندبوون بە رێنماییە تەندروستی و رێكارە كارگێڕیەكان.

لە كۆتایی كۆبوونەوەكەدا، ئەنجومەنی زانكۆ هیوای خواست كە بە زووترین كات ئەم پەتا جیهانیە و لێكەوتەكانی نەمێنن و، ژیانی خەڵكی و پرۆسەی خوێندن ئاسایی ببنەوە.

uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی