کۆلێجی زانست و تەکنەلۆجیا خوێندکارانی نموونەیی بۆ وەرزی پایزە (٢٠١٩-٢٠٢٠) هەڵبژارد
Search

کۆلێجی زانست و تەکنەلۆجیا خوێندکارانی نموونەیی بۆ وەرزی پایزە (٢٠١٩-٢٠٢٠) هەڵبژارد


2019-11-26 (الثلاثاء) [ کلیة العلوم والتكنولوجيا ]

بۆ جاری دووەم و لە وەرزێکی تری نوێی خوێندندا کۆلێجی زانست و تەکنەلۆجیا خوێندکاری نموونەیی بۆ وەرزی پایزە هەڵبژارد لە هەردوو بەشی تەکنەلۆجیای زانیاری و بەشی زانستی کۆمپیوتەر.

کۆلێجی زانست و تەکنەلۆجیا لە ڕێگەی دڵنیایی جۆری کۆلێجەوە ساڵانە هەڵدەسێت بە هەڵبژاردنی خوێندکاری نموونەیی بۆ هەردوو وەرزی پایزە و وەرزی بەهارە لە ڕێگەی دابەشکردنی فۆڕمێکی تایبەت بەسەر مامۆستایانی کۆلێج بە مەبەستی دیاریکردنی تەنها دوو خوێندکاران بۆ هەر کڵاسێک لە هەر قۆناغێکدا.

هەڵبژاردنی خوێندکاری نموونە بەپێی پێوەرەکانی وەک ( بەشداری ڕۆژانەی ناو کڵاس ، هەماهەنگی و هاوکاری خوێندکاران ، ئاستی زانستی خوێندکار ، بەشداری پرۆژە خۆبەخشیەکان و چالاکیە کۆمەڵایەتیەکان ) و چەند پێوەرێکی تر دیاری دەکرێت.

ئامانج لەم پڕۆژەیە زیاتر بەرەو پێشبردنی کۆمەڵگا و هەوڵدان بۆ بەرزکردنەوەی ئاستی زانستی خوێندکارانە  .

خوێندکارانی هەڵبژێردراو بۆ ئەم وەرزی پایزە (٢٠١٩-٢٠٢٠) وەک خوێندکاری نموونەی وەرز پێک دێن لە :

      - بڵند عارف   (تەکنەلۆجیای زانیاری – قۆناغی دووەم)

      - بەهەست ئەبوبکر   (تەکنەلۆجیای زانیاری – قۆناغی سێ یەم)

      - سیڤان مستەفا   ( تەکنەلۆجیای زانیاری – قۆناغی چوارەم )

      - هێڤار تۆفیق   (زانستی کۆمپیوتەر – قۆناغی دووەم)

      - دارسان محمد   (زانستی کۆمپیوتەر – قۆناغی سێ یەم)

      - دیاری ڕەسوڵ   (زانستی کۆمپیوتەر – قۆناغی چوارەم)

شایەنی باسە ئەم پڕۆژەیە بە سەرپەرشتی بەڕێز مامۆستا (زانا عزیز کاکاڕەش) بەڕێوەبەری دڵنیایی جۆری کۆلێج ئەنجامدراوە. 

uhd.edu.iq : زانکۆی گەشەپێدانی مرۆیی