تاقیکردنەوەی توانستی وەڕگێڕانی یاسایی بۆ وەڕگێڕانی کوردستان بەسەرکەوتوویی بەڕێوەچوو و ئەنجامەكانیش ئاشكرا كران
Search

تاقیکردنەوەی توانستی وەڕگێڕانی یاسایی بۆ وەڕگێڕانی کوردستان بەسەرکەوتوویی بەڕێوەچوو و ئەنجامەكانیش ئاشكرا كران


2019-09-19 (الخمیس) [ کلیة اللغات ]

پرۆسەی تاقیکردنەوەی توانستی وەڕگێڕانی یاسایی کە پرۆژەیەکی سەرۆكایەتی دادگای تێهەڵچوونەوەی ناوچەی سلێمانی بوو بە هاوكاری و سەرپەرشتی زانکۆی گەشەپێدانی مرۆیی بەڕێوەچوو.

رۆژانی یەکشەممە و دووشەممە، ١٥ و ١٦ی ئەیلولی ٢٠١٩، لە كۆلێجی زمانی زانکۆی گەشەپێدانی مرۆیی بە سەرپەرشتی سەرۆكایەتی زانكۆی گەشەپێدانی مرۆیی و سەرۆكایەتی بەڕێز پرۆفیسۆری یاریدەدەر د.رەئوف کەریم مەحمود ڕاگری کۆلێجی زمانی و ئەندامێتی ستافی ئەکادیمی كۆلێج و زانكۆ تاقیکردنەوەی توانستی وەڕگێڕانی یاسایی بەڕێوەچوو، کە تاقیکردنەوەی نوسین و زارەکی ئەو کەسانە ئەنجامدار کە دۆکیۆمێنتەکانی خۆیان پێشکەشی دادگای سلێمانی کردبوو بۆ ئەوەی موڵەتی وەڕگێڕانی یاسایی وەربگرن.

پرۆسەی تاقیکردنەوەکە لە لایەن لیژنەی پسپۆڕ لە کۆلێجی زمانی زانکۆی گەشەپێدانی مرۆییەوە بەڕێوەبرا و زیاتر لە 150 هاوڵاتی شار و شارۆچکەکانی سنوری پارێزگای سلێمانی بەشداری تاقیکردنەوەکەیان کرد.

لە ئێستادا بەشداربووانی بەڕێز دەتوانن لە لیستی هاوپێچدا ئەنجامەكان ببینن. ئەو بەڕێزانەی لە لیستی هاوپێچدا ناویان نیە واتە لە تاقیكردنەوەكەدا دەرنەچوون و دەتوانن رۆژی یەكشەممە، ٢٢ی ئەیلولی ٢٠١٩ (كاتژمێر ٩ی بەیانی تا ١ی پاشنیوەڕۆ) لە كۆلێجی زمانی زانكۆی گەشەپێدانی مرۆیی تانە لە ئەنجامەكان بگرن تا بۆیان تەماشا بكرێتەوە.

شیاوی باسە ئەمە یەکەمینجارە لە پرۆسەیەکی لەمشێوەیەدا تاقیکردنەوەی توانستی وەڕگێڕانی یاسایی بۆ وەرگرتنی موڵەتی وەڕگێڕانی یاسایی (مترجم قانونی) لە هەرێمی کوردستان بەڕێوەدەچێت و، لەسەر داوای سەرۆكایەتی دادگای تێهەڵچوونەوەی ناوچەی سلێمانی و دەستپێشخەری زانكۆی گەشەپێدانی مرۆیی لە میانەی یاداشتنامەیەكی لێكگەیشتندا ئەنجامدرا.

بۆ داونلۆد كردنی لیستی ناوی دەرچووان كلیك لێره‌ بكه‌  

uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی uhd.edu.iq : زانکۆی گەشەپێدانی مرۆیی