ئاگاداریەك بۆ ئەو بەڕێزانەی تاقیكردنەوەی توانستی وەرگێڕانی یاسایی ئەنجام ئەدەن
Search

ئاگاداریەك بۆ ئەو بەڕێزانەی تاقیكردنەوەی توانستی وەرگێڕانی یاسایی ئەنجام ئەدەن


2019-09-08 (الاحد) [ کلیة اللغات ]

uhd.edu.iq : زانکۆی گەشەپێدانی مرۆیی

ئاماژە بە یاداشتنامەی لێكگەیشتنی نێوان زانكۆی گەشەپێدانی مرۆیی و دادگای تێهەڵچوونەوەی ناوچەی سلێمانی، تایبەت بە تاقیکردنەوەی توانستی وەرگێڕانی یاسایی بۆ ئەو کەسانەی داواکارییان بۆ "موڵەتی یاسایی وەرگێڕان" پێشکەش کردووە، تكایە بفەرموون بە رێنمایی تایبەت بە تاقیكردنەوەی توانستی وەرگێڕانی یاسایی:

١. شوێنی تاقیكردنەوە: زانكۆی گەشەپێدانی مرۆیی (بناری گۆیژە، كۆتایی خانوەكانی كۆمپانیای هیرۆن)، باڵەخانەی F. 
٢. كاتی تاقیكردنەوەی نووسین: یەكشەممە (١٥ی ئەیلولی ٢٠١٩) كاتژمێر ٢ی پاشنیوەڕۆ
٣. كاتی تاقیكردنەوەی زارەكی: دووشەممە (١٦ی ئەیلولی ٢٠١٩) لە باڵەخانەی C بەپێی ئەو لیستەی كە رۆژی تاقیكردنەوەی نوسین رادەگەیەنرێت.
٤. لە تاقیكردنەوەكەدا بە هیچ جۆرێك رێگە بە بەكارهێنانی هیچ جۆرە قاموسێك نادرێت.
٥. پێویستە تاقیكردنەوەكە بە پێنوسی (رەصاص) بێت، نەك بە جاف و پاندان.
٦. بۆ هەر ڤێرژنێكی تاقیكردنەوەكە تەنها بڕی ٣ (سێ) هەزار دیناری عێراقی لە بەشداربوو وەردەگیرێت، واتە لە ئینگلیزی بۆ كوردی ٣ هەزار و لە كوردی بۆ ئینگلیزی ٣ هەزار و هتد.
٧. بەشداربووی بەڕێز تەنها ئەو ناوانەن كە بە نوسراوی فەرمی دادگای تێهەڵچوونەوەی ناوچەی سلێمانی بەدەستمان گەیشتوە.
٨. بەشداربووی بەڕێز مافی هەیە تەنها لەو زمانانەدا تاقیكردنەوە ئەنجام بدات كە بۆی دیاریكراوە.
٩. ئەنجامی تاقیكردنەوەكان لە رێگەی پەیجی فەرمی كۆلێجی زمانی زانكۆی گەشەپێدانی مرۆیی و پەیجی فەرمی دادگای تێهەڵچوونەوەی ناوچەی سلێمانیەوە رادەگەیەنرێت.
١٠. لە پاش راگەیاندنی ئەنجامەكان، بەشداربووی بەڕێز بۆی هەیە لە ماوەی ٤٨ كاژێردا تانە لە ئەنجامەكان بدات. تێچووی تانەلێدان بۆ هەر ڤێرژنێكی پرسیارەكان تەنها یەك هەزار دیناری عێراقیە.
١١. پێویستە هەر بەشداربوویەكی بەڕێز ناسنامەی باری كەسێتی یان كارتی نیشتمانی یان مۆڵەتی شۆفێری لەگەڵ خۆیدا بهێنێت.

بەهیوای ئەنجامی بەرز بۆ هەمووان

راگرایەتی كۆلێجی زمان
زانكۆی گەشەپێدانی مرۆیی
٨ی ئەیلولی ٢٠١٩